ეკა ბესელია - რადგან 100/50 ვერსიაზე უარი ითქვა, მმართველმა გუნდმა უნდა თქვას, კომპრომისი რა არის - გასაგებია, რომ მდინარაძეს გადაწყვეტილების მიღებას არავინ ეკითხება, ვინც უნდა გადაწყვიტოს, მას ეხება ეს მიმართვა

რადგან 100/50 ვერსიაზე უარი ითქვა, მმართველმა გუნდმა უნდა თქვას, ამის შემდგომი კომპრომისი რა არის. გასაგებია, რომ მამუკა მდინარაძეს ამ გადაწყვეტილების მიღებას არავინ არ ეკითხება. ვინც უნდა გადაწყვიტოს, ზუსტად მას ეხება ეს მიმართვა, - ამის შესახებ დამოუკიდებელმა დეპუტატმა ეკა ბესელიამ ჟურნალისტებს განუცხადა, რითაც გამოეხმაურა საარჩევნო სისტემის ცვლილებაზე მოლაპარაკებებს. მისი თქმით, კომპრომისული გადაწყვეტილების მიღება სწრაფად უნდა მოხდეს. ამასთან, როგორც ბესელიამ აღნიშნა, მოლაპარაკებების პროცესში საერთაშორისო პარტნიორების ჩართულობა აუცილებელია, რათა ისევ არ მოხდეს მმართველი გუნდის მიერ დაპირების უკან წაღება.

„იმისთვის, რომ ეს ვაკუუმი რაღაცნაირად დაიძრას, აუცილებელია არა ერთმანეთის მიმართ გადაძახილები, რომ მოლაპარაკებებისთვის მზად ვართ, არამედ კონკრეტულად უნდა ითქვას, რა არის ის კომპრომისული ვერსია, რაზეც შედგება შეთანხმება. პროცესში იმიტომ არის საერთაშორისო პარტნიორების მონაწილეობა საჭირო, რომ დაპირების უკან წაღება ისევ არ მოხდეს. ნდობის ფაქტორი 0 -ის ნიშნულზეა, რის გამოც საერთაშორისო ორგანიზაციების ჩართვა არის საჭირო.

რადგან 100/50 ვერსიაზე უარი ითქვა, მმართველმა გუნდმა უნდა თქვას, რისთვის არიან მზად, ამის შემდგომი კომპრომისი რა არის. არის რამდენიმე ვერსია, რომელიც ოპოზიციის მხრიდან არის შეთავაზებული და უნდა გადაწყვიტონ, არიან თუ არა მზად, რომ ამაზე შეთანხმება შედგეს. ამას მდინარაძე ვერ გადაწყვეტს. გასაგებია, რომ მას გადაწყვეტილების მიღებას არავინ არ ეკითხება. უბრალოდ აცნობებენ და მან უნდა გაახმოვანოს. ვინც უნდა გადაწყვიტოს, ზუსტად მას ეხება ეს მიმართვა, რომ სწრაფად მოხდეს ჩამოყალიბება კომპრომისულ ვერსიაზე. სხვაგვარად უბრალოდ წარმოუდგენელი იქნება ამ ვადების ასე გაშვება,“ - განაცხადა ბესელიამ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება