თუ გამამტყუნებელ განაჩენს დააყენებს მოსამართლე ამით ის შეასრულებს "ქართული ოცნების"და "ევროპული საქართველოს" პოლიტიკურ დაკვეთას,- ამის შესახებ დავით სარალიძის განზრახ ჯგუფურად მკვლელობის ბრალდებით დაკავებულ მიხეილ კალანდიას ადვოკატმა ზურა თოდუამ "ინტერპრესნიუსს" განუცხადა.

ადვოკატის თქმით, ის ელოდება გამამართლებელ განაჩენს, რადგან მიხეილ კალანდიას წინააღმდეგ არც ერთი მტკიცებულება არ არსებობს.

"მოსამართლე, რომელიც უკვე 4 დღეა ფიქრობს, რა გადაწყვეტილება გამოიტანოს, აქვს ობიექტური სტატუსის შენარჩუნებისთვის ერთადერთი შანსი გამამართლებელი განაჩენის გამოტანა, რაც იქნება ჭკუის სასწავლებელი ვაი პოლიტიკური პარტიების მიმართ და იქნება ნათქვამი, რომ გაუბედურებული ადამიანების ხარჯზე პოლიტიკური დივიდენდების დაგროვება საქართველოში საბოლოოდ უნდა დამთავრდეს, ხოლო რაც შეეხება მეორე გადაწყვეტილებას, ეს იქნება ბნელეთში ჩარჩენის გადაწყვეტილება არარსებული მტკიცებულებების ხარჯზე თუ გამამტყუნებელ განაჩენს დააყენებს მოსამართლე, ამით ის შეასრულებს "ქართული ოცნების"და "ევროპული საქართველოს" პოლიტიკურ დაკვეთას", - განაცხადა ზურა თოდუამ.

ცნობისთვის, დავით სარალიძის განზრახ ჯგუფურად მკვლელობის ბრალდებით დაკავებულ მიხეილ კალანდიას საქმეზე სასამართლო გადაწყვეტილებას ხვალ გამოაცხადებს.

სხდომა თბილისის საქალაქო სასამართლოში 12:00 საათზეა დანიშნული.