თინა ბოკუჩავა NDI-ის პრეზიდენტთან შეხვედრაზე - დაგვარწმუნეს, რომ ეყოლებათ ძალიან ბევრი დამკვირვებელი, იმისთვის, რომ საქართველოს მოქალაქეს არჩევანის გაკეთების შესაძლებლობა სამართლიან გარემოში ჰქონდეს

„ნაციონალური მოძრაობის“ წევრები ეროვნულ-დემოკრატიული ინსტიტუტის (NDI) პრეზიდენტს დერეკ მიტჩელს შეხვდნენ. შეხვედრაზე, რომელიც დაახლოებით 45 წუთს გრძელდებოდა არჩევნებსა და საქართველოში ბოლო დროს განვითარებულ მოვლენებზე ისაუბრეს.

როგორც თინა ბოკუჩავამ ჟურნალისტებს შეხვედრის დასრულების შემდეგ განუცხადა, ეროვნულ-დემოკრატიული ინსტიტუტის (NDI) არჩევნებს საქართველოში ყურადღებით დააკვირდება, რათა საქართველოს მოქალაქეს ჰქონდეს ნორმალურ და სამართლიან გარემოში საკუთარი არჩევანის გაკეთების შესაძლებლობა.

„ეროვნულ-დემოკრატიული ინსტიტუტი (NDI) მრავალი წელია მუშაობს საქართველოში, ძალიან მნიშვნელოვანი ორგანიზაციაა და ყურადღებით აკვირდება საქართველოს დემოკრატიულ განვითარებას. იცით, რომ აშშ-დან ძალიან მწვავე გზავნილების მოსმენა მოუწია ივანიშვილს, დემოკრატიულ უკუსვლასთან დაკავშირებით. ეს ძალიან კარგად იციან მათ შორის, NDI -ს წარმომადგენლებმა და ახლად დანიშნულმა პრეზიდენტმა. ჩვენ კიდევ ერთხელ ხაზი გავუსვით იმას, თუ რამდენად მნიშვნელოვანია სამართლიანი არჩევნების ჩატარება და დღევანდელმა კვლევებმა კიდევ ერთხელ აჩვენა, რომ სამართლიანი არჩევნების პირობებში, ოპოზიცია ერთობლივი ძალებით ერთმნიშვნელოვნად ამარცხებს ივანიშვილის რეჟიმს. მათ დაგვარწმუნეს იმაში, რომ ეყოლებათ ძალიან ბევრი დამკვირვებელი, ძალიან ბევრი წარმომადგენელი იმისთვის, რომ საქართველოს მოქალაქეს ჰქონდეს ნორმალურ და სამართლიან გარემოში საკუთარი არჩევანის გაკეთების შესაძლებლობა. ასევე, ვესაუბრეთ პოლიტიკურ დევნაზე, იმიტომ რომ იციან, ივანიშვილი სამართალდამცავ უწყებებს იყენებს პოლიტიკური დევნის ინსტრუმენტად იმიტომ, რომ ფიქრობს, რომ ამით რამენაირად შეინარჩუნებს ძალაუფლებას“, - განაცხადა თინა ბოკუჩავამ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 15.04.2021
როგორ გადავჭრათ „ნამახვანჰესის“ პრობლემა?
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით