გერმანიის ქალაქ ფოლმარზენში, საკარნავალო მსვლელობისას ავტომობილი ხალხში შევარდა. გერმანიის პოლიციის ინფორმაციით, მომხდარის შედეგად 30 ადამიანი დაშავდა.

ჰესენის შტატის პოლიციის განცხადებაში აღნიშნულია, რომ ავტომობილის მძღოლი დაკავებულია. დანაშაულის მოტივი ჯერჯერობით უცნობია.

გერმანული მედიის ცნობით, დაშავებულებს შორის ბავშვებიც არიან. თვითმხილველები კი ამბობენ, რომ მძღოლმა ავტომობილი ხალხისკენ განზრახ მიმართა. BBC იტყობინება, რომ Mercedes-ის მარკის ვერცხლისფერი ავტომობილი ხალხის ჯგუფში ადგილობრივი დროით დაახლოებით 14:30 საათზე შევარდა.