პარტია "ევროპული საქართველოს" ოფისთან სამოქალაქო აქტივისტებმა აქცია-პერფომანსი გამართეს. როგორც აქციის მონაწილეები აცხადებენ, მათი მთავარი მოთხოვნაა, დატოვონ საპარლამენტო მანდატები "ევროპული საქართველოს" წევრებმა ელენე ხოშტარიამ და ირმა ნადირაშვილმა.

მათი თქმით, დაუშვებელია საბჭოთა სიმბოლიკის ან სიმღერის საკანონმდებლო ორგანოში გაჟღერება, რადგან ეს ახალგაზრდობის და ქვეყნის შეურაცხყოფაა. აქციის მონაწილეებმა "ევროპული საქართველოს" ოფისთან სტიკერები წარწერით: "სიტყვით ევროპელები, საქმით ოკუპანტები " გააკრეს.