სამხრეთ კორეაში კორონავირუსის 60 ახალი შემთხვევა დაფიქსირდა და დაინფიცირებულთა საერთო რაოდენობა 893-მდე გაიზარდა, - ამის შესახებ ინფორმაციას ქვეყნის დაავადების კონტროლისა და პრევენციის ცენტრი ავრცელებს.

ვირუსის გავრცელების გამო აშშ და სამხრეთ კორეა ერთობლივი სამხედრო წვრთნების მასშტაბის შემცირების საკითხს განიხილავენ.

„კორონავირუსის გამო სამხედრო მეთაურები წვრთნების მასშტაბის შემცირებას განიხილავენ“- განაცხადა აშშ-ის თავდაცვის მინისტრმა მარკ ესპერმა.

შეგახსენებთ, ჩინეთის ფარგლებს გარეთ კორონავირუსის ყველაზე მეტი შემთხვევა სამხრეთ კორეაშია დადასტურებული.