ყველა პირი, რომელსაც ვიეტნამში ახალი კორონავირუსი დაუდგინდა, გამოჯანმრთელდა. ინფორმაციას ამის შესახებ ჯანდაცვის უწყებაზე დაყრდნობით ადგილობრივი მედია ავრცელებს. გავრცელებული ინფორმაციით, ერთის გარდა, ყველა დაინფიცირებული პირი განიკურნა საფრანგეთშიც.

როგორც ცნობილია, ვიეტნამში კორონავირუსის დიაგნოზით 16 პირი იყო ჰოსპიტალიზებული. რაც შეეხება საფრანგეთს, აქ ვირუსი 12 პირს დაუდგინდა, რომელთაგან ერთი დაიღუპა, ხოლო დანარჩენი უკვე საავადმყოფოებიდან გაწერეს.

იხილეთ ვიდეო: ვიეტნამში ახალი კორონავირუსით დაინფიცირებული ყველა პირი გამოჯანმრთელდა