ირაკლი სესიაშვილი - ჩვენი ქვეყანა მიაღწევს სანუკვარ თავისუფლებას, დეოკუპაციას და ამას ვერც წითელი და ვერც სამფერადი რუსეთი აღუდგება წინ

საქართველოს პარლამენტის თავდაცვისა და უშიშროების კომიტეტის თავმჯდომარის, ირაკლი სესიაშვილის განცხადებით, საქართველო მიაღწევს სანუკვარ თავისუფლებას, დეოკუპაციას და ამას ვერანაირი, ვერც წითელი და ვერც სამფერადი რუსეთი წინ ვერ აღუდგება.

ამის შესახებ სესიაშვილმა ჟურნალისტებს კოჯორში, იუნკერთა მემორიალთან განუცხადა.

როგორც სესიაშვილმა აღნიშნა, საქართველოს მხარეზეა საერთაშორისო სამართალი და საერთაშორისო საზოგადოება.

„ცხადია, ჩვენი ძალა მდგომარეობს ჩვენი ქვეყნის სიყვარულში, ამ გმირი იუნკერების სულში. რა თქმა უნდა, ჩვენი ქვეყანა მიაღწევს სანუკვარ თავისუფლებას, დეოკუპაციას და ამას ვერანაირი, ვერც წითელი და ვერც სამფერადი რუსეთი ვერ აღუდგება წინ. ვინაიდან, 21-ე საუკუნეა, ჩვენს მხარეზეა საერთაშორისო სამართალი, საერთაშორისო საზოგადოება. პირველ რიგში ჩვენ გვაძლიერებს ჩვენი ქართველი ხალხის, სამშობლოს სიყვარული და ბრძოლა ყოველთვის თავისუფლებისა და დამოუკიდებლობისათვის“, - განაცხადა სესიაშვილმა.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს