ირაკლი სესიაშვილი - რევოლუციური მეთოდებით სიტუაციის არევა არავის გამოუვა

მეჩვენება, რომ ჩვენი ოპონენტები რევოლუციური მიზნებისკენ ცდილობენ სიტუაციის წაყვანას, რაც პირველ რიგში ქვეყნისთვის არის საზიანო, - ამის შესახებ საქართველოს პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა ჟურნალისტებს საარჩევნო სისტემის ცვლილებაზე ოპოზიციასა და ხელისუფლებას შორის შეჩერებულ დიალოგზე საუბრისას განუცხადა.

როგორც სესიაშვილმა აღნიშნა, მმართველ გუნდს ოპოზიციისთვის არანაირი ულტიმატუმი არ წაუყენებია.

„მმართველმა პარტიამ ოპოზიციას და საზოგადოებას შესთავაზა კომპრომისული ვერსია. სამწუხაროდ, მეორეს მხრივ მე ვხედავ რადიკალურ პოზიციებს, რომელიც არ არის ორიენტირებული იმ შედეგზე, რომ ქვეყანაში მშვიდობიანად, თავისუფალ რეჟიმში ჩატარდეს არჩევნები. ამიტომ მეჩვენება, რომ ჩვენი ოპონენტები რევოლუციური მიზნებისკენ ცდილობენ სიტუაციის წაყვანას, რაც პირველ რიგში ქვეყნისთვის არის საზიანო. იმედი მაქვს, რომ ოპოზიციასთან ერთად მოხერხდება კომპრომისულ ვერსიაზე შეჯერება. რაც მთავარია ყველამ უნდა გაიაზროს, რომ რევოლუციური მეთოდებით ქვეყანაში სიტუაციის არევა არავის გამოუვა. ამ ქვეყანას სჭირდება სტაბილურობა, განვითარება და ეს არის ჩვენი ქვეყნის დაკვეთა. ვინც ხალხის დაკვეთას შეასრულებს, მასაც მეტი მხარდაჭერა ექნება. არჩევნებამდე რამდენიმე თვეა დარჩენილი და ცხადია, რომ ოპოზიცია შეეცდება საკუთარი ძალების მობილიზებას. ჩვენც ღირსეული კანდიდატები გვეყოლება და ცხადია, ორიენტირებულები ვართ გამარჯვებზე. ამისთვის ყველაფერს გავაკეთებთ“, - განაცხადა სესიაშვილმა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა