მარკო მიკელსონი - ევროკავშირისა და ნატო-ს გაფართოებისადმი გარკვეული „დაღლილობა“ არსებობს - უნდა ეცადოთ, იპოვოთ მოკავშირეები, მეგობრები

უნდა ეცადოთ, იპოვოთ მოკავშირეები, მეგობრები და იფიქროთ იმაზეც, რომ ევროკავშირისა და ნატო-ს გაფართოებისადმი გარკვეული „დაღლილობა“ არსებობს“, - ამის შესახებ ესტონეთის პარლამენტის საგარეო ურთიერთობების საკითხთა კომიტეტის თავმჯდომარის მოადგილემ, მარკო მიკელსონმა „ინტერპრესნიუსთან“ ექსკლუზიურ ინტერვიუში განაცხადა.

მისი თქმით, საქართველოს მხრიდან დასავლეთის ყურადღების მოსაპოვებლად ბრძოლაა საჭირო, რომელიც ქვეყნის მთავრობის წევრებისა და პარლამენტარების მუდმივ ძალისხმევაზე, იმ დიპლომატებზეა დამოკიდებული, ვინც საქართველოს შეხედულებებს წარმოადგენს.

„ესტონეთსა და საქართველოს შორის ორმხრივი კონტაქტები კარგად მიდის და არ არის დამოკიდებული იმაზე, თუ ვინაა ხელისუფლებაში თბილისსა თუ ტალინში. მაგრამ მაინც, ხანდახან ვგრძნობთ „დაღლილობის“ განწყობას ისეთი ქვეყნებისგან, როგორიცაა ნიდერლანდები, საფრანგეთი ან რამდენიმე სხვა ქვეყანა. უნდა ეცადოთ, იპოვოთ მოკავშირეები, მეგობრები და ასევე, იფიქროთ იმ ფაქტზე, რომ ევროკავშირისა და ნატო-ს გაფართოებისადმი ეს „დაღლილობა“, „უხალისობა“ არსებობს. ამას გარდა, ხანდახან იმის ტაქტიკაც უნდა შეცვალოთ, თუ როგორ უნდა მიუდგეთ ამ ქვეყნებს“, - განაცხადა მიკელსონმა.

მანვე აღნიშნა, რომ საქართველოს სამომავლო, წარმატებული ინტეგრაცია, როგორც ნატო-ში, ისე ევროკავშირში, დიდწილად დამოკიდებულია იმაზე, თუ რამდენად კარგად მიდის შიდა საქმეები.

„ასევე, ეს დამოკიდებულია იმაზე, რამდენად ძლიერია დემოკრატიული ინსტიტუტები, მიმდინარეობს თუ არა დემოკრატიული, პლურალისტური დებატები ქვეყანაში, საზოგადოების ყველა დაინტერესებული მხარის მონაწილეობით. ეს უნდა გაითვალისწინოთ, რადგან არსებით როლს თამაშობს იმ კუთხით, თუ რამდენად დიდია ევროკავშირისა და ნატო-ს გარკვეული წევრი ქვეყნების „დაღლილობა“, საქართველოში არსებული სიტუაციის ანალიზიდან გამომდინარე, რა ტენდენციები უფრო იკვეთება თუნდაც, ნიუსებში. სწორედ აქ უნდა იყოთ ძალიან ფრთხილები“, - აღნიშნა მიკელსონმა.

ინტერვიუს სრული ვერსია იხილეთ ბმულზე.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 12.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
კახა ოქრიაშვილი - 15 მაისის აქციის სამზადისში აქტიურად ვარ ჩართული