პროკურორი იმედოვნებს, რომ სასამართლო მიხეილ კალანდიას მიმართ გამამტყუნებელ განაჩენს გამოიტანს

ხორავას ქუჩაზე მოზარდების მკვლელობის საქმის პროკურორი ბესიკ ქვარცხავა იმედოვნებს, რომ თბილისის საქალაქო სასამართლო მიხეილ კალანდიას მიმართ, რომელიც დავით სარალიძის განზრახ ჯგუფურად მკვლელობის ბრალდებით არის დაკავებული, გამამტყუნებელ განაჩენს გამოიტანს.

როგორც პროკურორმა სხდომის დაწყებამდე ჟურნალისტებს განუცხადა, ბრალდების მხარემ წარმოადგინა მთელი რიგი მტკიცებულებები, რომლებიც ადასტურებენ მიხეილ კალანდიას მიმართ წარდგენილ ბრალდებას.

ბესიკ ქვარცხავა მიიჩნევს, რომ სასამართლოს საფუძველი არ აქვს, ეს მტკიცებულებები არ გაიზიაროს.

ამასთან, პროკურორი გამოეხმაურა მიხეილ კალანდიას ადვოკატის, ზურაბ თოდუას განცხადებას, რომლის მიხედვით, იმ შემთხვევაში, თუ პოლიტიკური დაკვეთა არ შესრულდა, მას კალანდიასთან მიმართებით გამამართლებელი განაჩენის მოლოდინი აქვს

„ჩვენ მოლოდინი გვაქვს, რომ ყველა სასამართლო პროცესზე წარმოდგენილი და გამოკვლელული მტკიცებულებების საფუძველზე, სასამართლოს მხრიდან მიღებული იქნება ერთადერთი, სამართლიანი, კანონიერი და დასაბუთებული გადაწყვეტილება. რაც შეეხება დაცვის მხარის განმარტებას, ეს გარკვეული სპეკულაციაა დაცვის მხარისგან, იმიტომ, რომ სამართლებრივ ჩარჩოებს სცდება“, - განაცხადა პროკურორმა.

შეგახსენებთ, დავით სარალიძის მკვლელობის ბრალდებით დაკავებულ მიხეილ კალანდიას საქმეზე სასამართლო გადაწყვეტილებას დღეს გამოაცხადებს.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება