თბილისის საქალაქო სასამართლოში, სადაც მიხეილ კალანდიას ბრალდების სისხლის სამართლის საქმეზე გადაწყვეტილება გამოცხადდა, სამართალდამცავები არიან მობილიზებული.
მოსამართლის მიერ განაჩენის გამოცხადებას დარბაზში კალანდიას ოჯახის წევრების მხრიდან ხმაური მოჰყვა. დარბაზში წესრიგის დაცვის მიზნით მოსამართლემ დამსწრეებს სხდომათა დარბაზი დაატოვებინა.
ცნობისთვის, სასამართლომ მიხეილ კალანდია დავით სარალიძის განზრახ ჯგუფურად მკვლელობაში დამნაშავედ ცნო და მას თავისუფლების აღკვეთა 15 წლით შეუფარდა, თუმცა, არაარულწლოვანთა მართლმსაჯულების კოდექსიდან გამომდინარე სასჯელი ერთი მესამედით შეუმცირდა და საბოლოოდ სასჯელის სახედ კალანდიას 11 წლით და 3 თვის ვადით პატიმრობა შეუფარდა.