თამარ ჩუგოშვილი აშშ-ის საელჩოს ორგანიზებულ ვახშამზე - ეს იყო არაფორმალური, მეგობრული შეხვედრა, კონკრეტული საკითხების განხილვა არ ყოფილა

პარლამენტის დამოუკიდებელი დეპუტატის, თამარ ჩუგოშვილის განცხადებით, ელიზაბეთ რუდის მიერ ორგანიზებული შეხვედრა არაფორმალური, მეგობრული ხასიათის იყო და მასზე კონკრეტული საკითხები არ განუხილავთ.

როგორც ჩუგოშვილმა ჟურნალისტებს განუცხადა, ვახშამზე ზოგადად იმსჯელეს ისეთ საკითხებზე, რომელიც საქართველოს წინაშე არსებობს, როგორც გამოწვევა.

„ეს იყო მორიგი არაფორმალური, მეგობრული, დიპლომატიური შეხვედრა ელჩების მიერ ორგანიზებული, ამ შემთხვევაში ამერიკის ელჩის მოადგილის მხრიდან ორგანიზებული, რომელიც არ ეხებოდა და მიზნად არ ისახავდა კონკრეტული საკითხების განხილვების ან კონკრეტული შეთანხმებების მიღწევას. ეს არის დიპლომატიური ვახშამი, რომელზეც პატიჟებენ ხოლმე სხვადასხვა პოლიტიკურ ფიგურებს, მათ შორის ოპოზიციის, ხელისუფლების თუ ა.შ. წარმომადგენლებს, ჩემ შემთხვევაში დამოუკიდებელ დეპუტატს და შესაბამისად, დღეს რაღაც კონკრეტული საკითხების განხილვა არ ყოფილა, ჩვენ ვმსჯელობდით ზოგადად იმ საკითხებზე, რომელიც ჩვენი ქვეყნის წინაშე არსებობს, როგორც გამოწვევა.

ეს შეხვედრა არ ემსახურებოდა იმას, რომ ან დიალოგი ჩაენაცვლებინა, ან რაიმე ფორმით ყოფილიყო ის ადგილი, სადაც ეს საკითხები უნდა განიხილებოდეს, ეს იყო უბრალოდ ჩვენი მეგობარი ელჩების მხრიდან ორგანიზებული მეგობრული ვახშამი“, - განაცხადა ჩუგოშვილმა.

ცნობისთვის, აშშ-ის ელჩის მოადგილე ელიზაბეთ რუდმა ვახშამი გამართა. შეხვედრას ესწრებოდნენ ხელისუფლებისა და ოპოზიციის წარმომადგენლები, ასევე დიპლომატიური კორპუსის წარმომადგენლები. როგორც პოლიტიკოსებმა შეხვედრის დასრულების შემდეგ განაცხადეს შეხვედრა არაფორმალური ხასიათის იყო.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით