ჩინეთში კორონავირუსის გარდაცვლილთა რიცხვი 52-ით გაიზარდა და საერთო რაოდენობამ 2 715-ს მიაღწია, - ამის შესახებ ინფორმაციას ქვეყნის დაავადების კონტროლისა და პრევენციის ცენტრი ავრცელებს.

მათივე ინფორმაციით, ჩინეთში, ბოლო ერთი დღის განმავლობაში, ვირუსის 508 ახალი შემთხვევა გამოვლინდა და დაინფიცირებულთა საერთო რაოდენობა 78 064 გახდა.

აღსანიშნავია, რომ 52-ვე ფატალური შემთხვევა ჰუბეის პროვინციაში დაფიქსირდა, რომელიც ვირუსის გავრცელების ეპიცენტრია.