მსოფლიოს ბანკის რეგიონული დირექტორის, სებასტიან მოლინეუსის განცხადებით, საქართელოს ეკონომიკა ოპტიმისტურ ტრაექტორიაზეა. ამის შესახებ მან ამერიკის ხმის ქართულ რედაქციასთან საუბრისას განაცხადა.
მისივე განმარტებით, როგორც წინა მთავრობების, ასევე ახლანდელი მთავრობის მიერ ეკონომიკური რეფორმებისადმი ერთგულება ქვეყნისთვის დადებითი ფაქტორია და ფიქრობს, რომ ქვეყანაში ეკონომიკური ზრდა გაგრძელდება.
„მსოფლიოს ბევრ ქვეყანაში მიმუშავია. საქართველო ძალიან მომწონს და მის მიმართ დადებითად ვარ განწყობილი. საქართველოში ვხედავ ქვეყანას, რომლსაც კერძო სექტორზე დაფუძნებული ეკონომიკური ზრდის მოდელი აქვს. მიუხედავად ყველა იმ განსხვავებისა, რომელიც ქვეყნის პოლიტიკურ წრეებში არსებობს, ყველა თანხმდება იმაზე, რომ სურთ ღია და კეთილგანწყობილი გარემო ინვესტორებისთვის, მიაჩნიათ, რომ ევროკავშირში გაწევრიანება ქვეყნის განვითარებისთვის უკიდურესად მნიშვნელოვანია, განათლების რეფორმის გატარება დავის თემა არ არის. თუ ერთ ნაბიჯს უკან გადავდგამთ და ისე შევხედავთ სიტუაციას, ვნახავთ, რომ გამაერთიანებელი ფაქტორი უფრო მეტია, ვიდრე დამყოფი. საქართველოში როცა ცხოვრობ, ამას კარგად ხედავ. პროგნოზები ასეთია, ზრდის მაჩვენებელი 5.2 პროცენტი, პირდაპირი უცხოური ინვესტიციების მაჩვენებელი 8.2 პროცენტი, რაც სხვა ქვეყნებში 2.5 პროცენტია. წინა მთავრობების და ახლანდელი მთავრობის მიერ ეკონომიკური რეფორმებისადმი ერთგულება ქვეყნისთვის დადებითი რამაა. ვფიქრობ, რომ ზრდა გაგრძელდება“, - განაცხადა სებასტიან მოლინეუსმა.