სირიაში, იდლიბის პროვინციაში ასადის არმიის იერიშებს 20 მშვიდობიანი მოქალაქე ემსხვერპლა, მათ შორის 9 ბავშვია. ინფორმაციას BBC ავრცელებს.

გავრცელებული ცნობებით, სირიის არმიის სამიზნეს ქალაქ იდლიბსა და მის შემოგარენში არსებული საავადმყოფოები და სკოლები წარმოადგენდა. საერთაშორისო ორგანიზაციებმა ბაშარ ასადის ხელისუფლების ქმედებას ბარბაროსული უწოდეს.

შეგახსენებთ, სირიის კონფლიქტში რუსეთი მხარს სირიის ხელისუფლებასა და პრეზიდენტ ბაშარ ალ-ასადს უჭერს მხარს, თურქეთი კი სირიის ოპოზიციას. „ისლამური სახელმწიფოს“ დამარცხების შემდეგ სირიის ხელისუფლება და ამბოხებულები ერთმანეთის პირისპირ იდლიბის პროვინციაში აღმოჩნდნენ, სადაც რამდენიმე თვეა საომარი მოქმედებები მიმდინარეობს. კონფლიქტის გამო იდლიბის პროვინცია ბოლო პერიოდში დაახლოებით 900 000-მა ადამიანმა დატოვა.