თბილისის მერია ქეთევან წამებულის გამზირის რეაბილიტაციისთვის ტენდერს აცხადებს

ქეთევან წამებულის გამზირის რეაბილიტაციისთვის დედაქალაქის მერია ტენდერს აცხადებს. ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.

მისი თქმით, სარეაბილიტაციო სამუშაოების ფარგლებში განხორციელდება საკანალიზაციო ქსელის რეაბილიტაცია, მოეწყობა ტროტუარები და შეიცვლება გარე განათების სისტემა. კალაძის ინფორმაციით, პროექტის ღირებულება 4 მლნ 200 ათასი ლარია.

„ქეთევან წამებულის გამზირის რეაბილიტაციისთვის ვაცხადებთ ტენდერს. უახლოეს მომავალში გვეყოლება გამოვლენილი გამარჯვებული კომპანია და დავიწყებთ უშუალოდ სამუშაოების წარმოებას, რომელიც დაიწყება ავლაბრის მეტროდან. ეს კონკრეტული მონაკვეთი იქნება ავლაბრის მეტროდან კაჩინსკის ქუჩამდე. მთლიანად ეს მონაკვეთი იქნება მოწესრიგებული.

დამეთანხმებით, რომ დღევანდელი მდგომარეობა არ არის დამაკმაყოფილებელი. სერიოზულ პრობლემას წარმოადგენს გზის ეს კონკრეტული მონაკვეთი. არის მიწისქვეშა კომუნიკაციების პრობლემა, ეს ყველაფერი მთლიანად იქნება მოწესრიგებული, მთლიანად იქნება ცვლილებები განხორცილებეული საკანალიზაციო ქსელზე, ასევე წყალი, გაზი. ელექტროგადამცემი ხაზები ჩაიდება მიწის ქვემოთ, შეიცვლება განათების ბოძები, თავისი ლედ-საანათებით და ყველანაირად იქნება კეთილმოწყობილი. მოეწყობა ასევე ტროტუარები, რომ ქვეითად მოსიარულე ადამიანებისთვის იყოს კომფორტული გადაადგილება.

პროექტის ღირებულება დაახლოებით 4 მლნ 200 ათასი ლარია. უახლოეს პერიოდში გვეყოლება გამარჯვებული კომპანია და მოგაწვდით ინფორმაციას როდის დაიწყება სამუშაოები და როგორ მოხდება გზის ჩაკეტვა ისე, რომ რაც შეიძლება ნაკლები დისკომფორტი შევქმნათ“,- განაცხადა კალაძემ.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა