კახა კალაძის ინფორმაციით, კომპანია „თეგეტა მოტორსი“ თბილისში 126 ერთეულ 12-მეტრიან ავტობუსს შემოიყვანს

თბილისის მერის კახა კალაძის განცხადებით, კომპანია „თეგეტა მოტორსი“ თბილისში დამატებით 126 ერთეულ 12-მეტრიან ავტობუსს შემოიყვანს.

როგორც კალაძემ დედაქალაქის მთავრობის სხდომაზე განაცხადა, უახლოეს მომავალში დაიწყება აღნიშნული ავტობუსების აწყობა-წარმოება და თბილისში შემოყვანა.

„თქვენ იცით, რომ ევროპის რეკონსტრუქციისა და განვითარების ბანკთან ვაწარმოებდით მოლაპარაკებებს, გამოყოფილია თანხები და გამოცხადებული იყო 12 - მეტრიან ავტობუსებზე შესყიდვა. დღეს მინდა გითხრათ, რომ ჩვენ გვყავს გამარჯვებული კომპანია „თეგეტა მოტორსი“, რომელიც ვალდებულია შემოიყვანოს 126 ერთეული „ბი ემ სის“ მარკის ავტობუსი, რომელიც იწარმოება თურქეთში. „ბი ემ სის“ მარკის ავტობუსები არის ევროპის სხვადასხვა ქალაქებში, ბულგარეთში, ლონდონში. ჩვენ ამაზე არ ვჩერდებით და ვაგრძელებთ დამატებით ახალი ავტობუსების შემოყვანას. 126 ერთეული არის 12 - მეტრიანი გაზზე მომუშავე ავტობუსები და უკვე უახლოეს მომავალში დაიწყება აწყობა-წარმოება და შემოყვანა დედაქალაქში, რომელიც მოემსახურება თბილისს, თბილისელებს და ჩამოსულ სტუმრებს. ჩვენ არამხოლოდ ჩანაცვლებით შემოვიფარგლებით, არამედ გვინდა შემოვიყვანოთ დამატებითი ავტობუსები იმისთვის, რომ ის კონკრეტული უბნები და რაიონები, სადაც საზოგადოებრივი ტრანსპორტი არ გადაადგილდება ან თუ გადაადგილდება, მგზავრებს დიდი ხანი ლოდინი უწევს და დისკომფორტს წარმოადგენს. შესაბამისად, ჩვენ ამ პრობლემას მოვაგვარებთ და ყველაფერს გავაკეთებთ იმისთვის, რომ მაქსიმუმ 10 წუთი იყოს მოცდის დრო. გარდა ამისა, შემდეგი ეტაპია 18 - მეტრიანი ავტობუსები, რომლებიც ძალიან მალე გამოჩნდება დედაქალაქის ქუჩებში“, - განაცხადა კალაძემ.

როგორც მერიაში აცხადებენ, ავტობუსები მწვანე ფერის იქნება.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება