გიორგი გახარიას შეფასებით, საქართველოს მთავრობა ყველაფერს აკეთებს, რომ ქვეყანაში განსაკუთრებული ბიზნესგარემო შეიქმნას

საქართველოს პრემიერ-მინისტრის გიორგი გახარიას განცხადებით, ხელისუფლება ყველაფერს აკეთებს იმისთვის, რომ ქვეყანაში განსაკუთრებული ბიზნესგარემო შეიქმნას. როგორც გახარიამ ეკონომიკურ კონფერენციაზე - „საქართველო და მსოფლიო 2020“ განაცხადა, სერვისზე ორიენტირებული ეკონომიკა საქართველოს მომავალია.

„პირველ რიგში, საქართველოს მთავრობა აკეთებს იმას, რომ ქვეყანაში განსაკუთრებული ბიზნესგარემო შეიქმნას, განსაკუთრებული ბიზნეს კლიმატი იმისთვის, რომ ყველა სფეროში პირდაპირი უცხოური ინვესტიციები იყოს, განსაკურებით სერვისის სფეროში. ყველას კარგად გვესმის, რომ ამას ბევრი წელი სჭირდება. სერვისებს სჭირდება მაღალი დონის კომპეტენცია, სერვისზე ორიენტირებული ეკონომიკა არის ჩვენი ქვეყნის მომავალი. სწორედ ამიტომ, მსგავს კონფერენციებს უდიდესი მნიშვნელობა აქვს იმისთვის, რომ ჩვენ ყველამ ერთად, ბიზნესმა, ექსპერტთა საზოგადოებამ, მთავრობამ სწორედ ვიპოვოთ ქვეყნის როლი როგორც გლობალურ, ასევე რეგიონალურ კონტექსტში“, - განაცხადა გახარიამ.

მისი თქმით, საქართველოს მისწრაფება ევროატლანტიკური ინტეგრაცია და კონკურენტული ბაზრის შექმნაა.

„დღეს საქართველო სატრანზიტო მდგომარეობაში მყოფი ქვეყანაა, რომლის ძირითადი მისწრაფება პოლიტიკური თვალსაზრისით არის ევროატლანტიკური ინტეგრაცია და ეკონომიკური თვალსაზრისით - ღია, კონკურენტული ბაზარი“, - განაცხადა გახარიამ.

იხილეთ ვიდეო: პრემიერ-მინისტრმა ეკონომიკური კონფერენცია "საქართველო და მსოფლიო 2020" გახსნა

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
„ლუტეცია ჯგუფი“ ვახტანგ ფხაკაძის სახელობის საქველმოქმედო ფონდს აარსებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
ახალი სერვისი არააქტიური მოპოვების ლიცენზიის მფლობელებს