ზურაბ აბაშიძე ევროსაბჭოს მინისტერიალზე - ყველაფერი ჩატარდება ისე, რომ ჩვენს კანონმდებლობასაც მივაგებთ შესაბამის პატივს და საერთაშორისო ვალდებულებებსაც შევასრულებთ

პრემიერ-მინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე აცხადებს, რომ ევროპის საბჭოს მინისტერიალის ფარგლებში, თუ ჩამოვა დელეგაცია ნებისმიერი ქვეყნიდან, უპირველეს ყოვლისა, ეს უნდა შეესაბამებოდეს ჩვენს კანონმდებლობას და ასევე, უნდა შეესაბამებოდეს იმ საერთაშორისო ვალდებულებებს, რაც აღებული გვაქვს როგორც ევროსაბჭოს თავმჯდომარე ქვეყანას.

როგორც მან ჟურნალისტებთან საუბრისას აღნიშნა, ამ საკითხზე დეტალები დღის ბოლოსთვის გახდება ცნობილი.

„დღის ბოლოსთვის გვექნება ინფორმაცია შეხვედრის შესახებ, რომელის დღეს გაიმართება სტრასბურგში და გაეცემა კითხვა ყველა პასუხს, რომელიც თქვენ გაქვთ. მემგონი ზედმეტი აჟიოტაჟი ამ თემის ირგვლივ საჭირო არ არის და არც არის ჩვენს ინტერესებში. ყველაფერი ჩატარდება ისე, რომ ჩვენ ჩვენს კანონმდებლობასაც მივაგებთ შესაბამის პატივს და შევასრულებთ საერთაშორისო ვალდებულებებსაც. ეს არის ის ორი პრინციპი, რაც აუცილებლად შესრულდება. სად გაიმართება, როგორ გაიმართება, ერთი დღე როგორმე უნდა მოვითმინოთ”,- განაცხადა ზურაბ აბაშიძემ.

შეგახსენებთ, რომ საქართველომ, როგორც ევროსაბჭოს თავმჯდომარე ქვეყანამ, მაისში ევროპის საბჭოს მინისტერიალს და ორგანიზაციის წევრი ქვეყნების დელეგაციებს უნდა უმასპინძლოს. არსებული ინფორმაციით, რუსეთის დელეგაციას სერგეი ლავროვი წარმოადგენს, რომელსაც თავის მხრივ, „საქართველოს ოკუპირებული ტერიტორიების შესახებ“ კანონი არაერთხელ აქვს დარღვეული. თბილისში რუსეთის დელეგაციის შესაძლო ჩამოსვლას ქართული საზოგადოების დიდი ნაწილი აპროტესტებს, რის გამოც დღის წესრიგში ღონისძიების სტრასბურგში ჩატარების საკითხი დადგა.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან