სსფ-ს წარმომადგენელი - საქართველომ ძალიან ბევრი გააკეთა მაკროეკონომიკური სტაბილურობის მისაღწევად

თბილისში მიმდინარე ეკონომიკურ კონფერენციაზე „საქართველო და მსოფლიო 2020“ საფინანსო სექტორში განხორციელებული რეფორმების მნიშვნელობაზე საქართველოში საერთაშორისო სავალუტო ფონდის მუდმივმა წარმომადგენელმა სელიმ ჩაკირმა ისაუბრა. ამის შესახებ „ინტერპრესნიუსს“ ეკონომიკის სამინისტროდან აცნობეს.

სელიმ ჩაკირის თქმით, საქართველომ ძალიან ბევრი გააკეთა, მაკროეკონომიკური სტაბილურობის მისაღწევად.

„ფინანსური სექტორი საქართველოში წარმატებულია, ეს ჯანსაღი სტრუქტურაა, კარგი ზედამხედველობით. პარლამენტის მიერ ახლახანს მიღებული სარეზოლუციო-კანონი კიდევ უფრო ძლიერს ხდის ფინანსურ სექტორს. საქართველოს აქვს თავისუფალი სავაჭრო ხელშეკრულებები და ამასთან ძალიან კარგად მოახდინა ექსპორტის დივერსიფიკაცია. იმედია, ეს პროცესი გაგრძელდება. ვფიქრობ, საჭიროა ეკონომიკური ცვლილებები სოფლის მეურნეობის, სერვისისა და წარმოების სფეროში, ჩვენ ვხედავთ, რომ მოხდა გარკვეული ცვლილებები, მაგრამ ეს პროცესი უნდა გაგრძელდეს. საქართველოს მთავრობისთვის დღეს განათლების სფერო პრიორიტეტულია, საბოლოო ჯამში ეს პროცესი ხელს შეუწყობს კვალიფიციური და მაღალანაზღაურებადი კადრების მომზადებას“, -აცხადებს საქართველოში საერთაშორისო სავალუტო ფონდის მუდმივი წარმომადგენელი, რომლის კომენტარსაც ეკონომიკის სამინისტრო ავრცელებს.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება