რევაზ სოხაძე - კახა კალაძის ინიციატივა თბილისში ეკოლოგიური მდგომარეობის გაჯანსაღებისკენ გადადგმული კიდევ ერთი წინგადადგმული ნაბიჯი იქნება

„თბილისის ტერიტორიაზე მეორადი საბურავების, შავი და ფერადი ლითონების ჯართის, ექსპლუატაციიდან გამოსული სატრანსპორტო საშუალებების, ფეთქებადი ან ამტვერებადი მასალის განთავსებისა და რეალიზაციის წესის დადგენა თბილისში ეკოლოგიური მდგომარეობის გაჯანსაღებისკენ კიდევ კიდევ ერთი მნიშვნელოვანი წინგადადგმული ნაბიჯი იქნება, - ასე გამოეხმაურა თბილისის საკრებულოს ურბანული დაგეგმარების და საქალაქო მეურნეობის კომისიის თავმჯდომარე, რევაზ სოხაძე დღეს თბილისის მთავრობის სხდომაზე დედაქალაქის მერის კახა კალაძის მიერ გაკეთებულ განცხადებას.

როგორც რევაზ სოხაძემ აღნიშნა, დედაქალაქში საშენი მასალების ქაოტურ განლაგებასა და შეუფუთავი მასალის ტრანსპორტირებაზე სანქციები უკვე მოქმედებს. მისივე თქმით, ამ კანონის მიღება აუცილებელი იყო მოქალაქეების ჯანმრთელობის, მშენებლობებზე უსაფრთხოების დაცვის და დედაქალაქის ეკოლოგიური მდგომარეობის გაუმჯობესებისთვის, რადგან სამშენებლო მტვერი ზიანს აყენებს როგორც ადამიანს, ასევე გარემოს.

„ჩვენ ვაგრძელებთ ამ მიმართულებით მუშაობას და შემდეგი ეტაპი თბილისის ტერიტორიაზე მეორადი საბურავების, შავი და ფერადი ლითონების ჯართის, ექსპლუატაციიდან გამოსული სატრანსპორტო საშუალებების, ფეთქებადი ან ამტვერებადი მასალის განთავსებისა და რეალიზაციის წესის დადგენა იქნება. დედაქალაქის ურბანული განვითარების პარალელურად, ჩვენ მოსახლეობის უსაფრთხოებასა და ჯანმრთელობაზე მაქსიმალურად ვზრუნავთ. ახალი წესები გარემოზე მოსალოდნელ უარყოფით ზემოქმედებას შეამცირებს. გარდა ამისა, გამწვანების და ქალაქის დასუფთავებისთვის შესაბამისი ღონისძიებების გატარებით, არსებული პრობლემების კომპლექსურად მოგვარება მოხდება. ვფიქრობ, ამ მიმართულებით, დედაქალაქის მთავრობის აქტიური მუშაობა ჩვენი ქალაქისა და მოქალაქეებისთვის საჭიროა და გრძელვადიან პერსპექტივაში მნიშვნელოვან შედეგს გამოიღებს,”- განაცხადა რევაზ სოხაძემ.

წესის დადგენის შემდეგ, საცხოვრებელ და რეკრეაციულ ზონებში ჩამოთვლილი მასალის რეალიზება აიკრძალება. მსგავსი მასალის განთავსება-რეალიზაცია დასაშვები იქნება მხოლოდ სპეციალურად დადგენილ ზონებში და ისეთ შენობა-ნაგებობაში, სადაც დაცული იქნება საფრთხის შემცველი ნივთიერებების შენახვისა და რეალიზაციის პირობები და უსაფრთხოების ნორმები.

აღნიშნულ ინფორმაციას საკრებულო ავრცელებს.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა