დავით ზალკალიანი - ძალიან მწყდება გული, რადგან მართლაც უნიკალური შესაძლებლობა იქნებოდა, ევროპის საბჭოს 47 წევრი ქვეყნის მაღალი დონის დელეგაციებისთვის გვემასპინძლა

მე ძალიან მწყდება გული, რადგან მართლაც ეს იქნებოდა უნიკალური შესაძლებლობა, რომ ევროპის საბჭოს 47 წევრი ქვეყნის მაღალი დონის დელეგაციებისთვის გვემასპინძლა, - ამის შესახებ საგარეო საქმეთა მინისტრმა დავით ზალკალიანმა განაცხადა, რითიც ევროპის საბჭოს მინისტერიალის თბილისის ნაცვლად სტრასბურგში ჩატარებას გამოეხმაურა. ზალკალიანის განმარტებით, აღნიშნული გადაწყვეტილება საქართველოს სახელმწიფო ინტერესებით იყო ნაკარნახევი.

„მე მინდა აღვნიშნო, რომ ჩვენ ვიმოქმედეთ თანხვედრაში ამ ორგანიზაციის წესდებასთან შესაბამისობაში, ჩვენი კანონმდებლობისა და სახელმწიფო ინტერესების გათვალისწინებით, რადგან არ უნდა მიეცეს არც ერთ ძალას იმის შესაძლებლობა, რომ ქვეყანაში მოახდინოს დესტაბილიზაცია, ესკალაცია, ამ საკითხის გამოყენება სხვადასხვა პოლიტიკური ინტერესებისთვის. ჩვენ გვაქვს ძალიან სერიოზული გამოწვევები, ყოველდღიური გამოწვევები, ამიტომ მსგავსი სახის მოვლენების განვითარება იყო ყოვლად მიუღებელი და ჩვენ ვიმოქმედეთ სწორედ სახელმწიფო ინტერესებიდან გამომდინარე. დარწმუნებული ვარ, რომ საზოგადოება ამას გაგებით მოეკიდება, თუმცა კიდევ ერთხელ ვიმეორებ, რომ მე, როგორც თავმჯდომარეს(ევროპის საბჭოს მინისტრთა კომიტეტის თავმჯდომარე) ძალიან გული დამწყდა, რადგან ეს მართლაც იქნებოდა უნიკალური შესაძლებლობა ჩვენი ქვეყნისთვის, რომ ასეთი უმაღლესი დონის შეხვედრისთვის გვემასპინძლა“, - განაცხადა დავით ზალკალიანმა.

მინისტრმა ჟურნალისტების კითხვაზე, თუ რა რეაქცია ჰქონდა მოსკოვს აღნიშნული გადაწყვეტილების მიღების შემდეგ, განაცხადა, რომ ოფიციალური მოსკოვის რეაქცია ჯერ ცნობილი არ არის.

ცნობისთვის, ევროსაბჭოს მინისტრთა კომიტეტის სხდომა თბილისის ნაცვლად სტრასბურგში გაიმართება.

შეგახსენებთ, რომ საქართველოს, როგორც ევროსაბჭოს თავმჯდომარე ქვეყანას, მაისში ევროპის საბჭოს მინისტერიალისა და ორგანიზაციის წევრი ქვეყნების დელეგაციებისთვის უნდა ემასპინძლა. არსებული ინფორმაციით, რუსეთის დელეგაციას სერგეი ლავროვი წარმოადგენდა, რომელსაც თავის მხრივ, „საქართველოს ოკუპირებული ტერიტორიების შესახებ“ კანონი არაერთხელ აქვს დარღვეული. თბილისში რუსეთის დელეგაციის შესაძლო ჩამოსვლას ქართული საზოგადოების დიდი ნაწილი აპროტესტებდა, რის გამოც დღის წესრიგში ღონისძიების სტრასბურგში ჩატარების საკითხი დადგა.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება