„შეცვალეს“ წევრებმა პარლამენტის კანცელარიაში გია ვოლსკის გამოსახულებით საბჭოთა კავშირის „პასპორტი“ ჩააბარეს

პარლამენტის შენობასთან სამოქალაქო მოძრაობა „შეცვალეს" წევრებმა აქცია-პერფორმანსი გამართეს.

აქციის მონაწილეებმა პარლამენტის კანცელარიაში საბჭოთა კავშირის „პასპორტი“ ჩააბარეს, რომელზეც ვიცე - სპიკერის გია ვოლსკის ფოტოსურათი იყო დატანილი.

როგორც „შეცვალეს" წევრმა დიმიტრი ბიძინაშვილმა ჟურნალისტებს განუცხადა, კომუნისტური პარტიის ყოფილ წევრს, გია ვოლსკის მორალური უფლება არ აქვს გააპროტესტოს პერფორმანსი, რომლის ფარგლებშიც პარლამენტში საბჭოთა კავშირის ჰიმნი გააჟღერეს.

„ჩვენი დღეს აქ მოსვლის მიზეზი არის გია ვოლსკი, რომელიც იყო ცეკას ინსტრუქტორი, რომელიც იყო კომუნისტური პარტიის წევრი და ახლა უკვე დამოუკიდებელი საქართველოს პარლამენტის თავმჯდომარის პირველი მოდგილეა. ეს ადამიანი დღეს რატომღაც აპროტესტებს და თურმე უკვირს ის პერფორმანსი, რომელიც დადგა პარლამენტის ერთ-ერთმა დეპუტატმა და ჩართო საბჭოთა ჰიმნი. ჩვენ გვახსოვს, რომ მას ხმა არ ამოუღია მაგალითად „გავრილოვის ღამეზე", ხმას არ იღებს „გავრილოვის პატიმრებზე" და საერთოდ ის ხმას არ იღებს, როგორ იქცევა რუსეთი საქართველოსთან მიმართებაში და ოკუპირებულ ტერიტორიებზე გაკრულ კომენტარებს აკეთებს, რაც კიდევ ერთხელ მიანიშნებს იმას, რომ საქართველოს ჰყავს „რუსული ოცნება“, - განაცხადა „შეცვალეს" წევრმა დიმიტრი ბიძინაშვილმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით