ნათია თურნავა - ქუთაისის პარლამენტის შენობის პრივატიზება მარტივი არ იქნება

ეკონომიკის მინისტრის, ნათია თურნავას აზრით, ქუთაისის პარლამენტის შენობის პრივატიზება მარტივი არ იქნება.

"ინტერპრესნიუსის" კითხვაზე, რა ღირებულებით და რა საინვესტიციო პირობებით გეგმავს უწყება ქუთაისის პარლამენტის ყოფილი შენობის გაყიდვას, მინისტრი ასე პასუხობს:

"ქუთაისის პარლამენტის შენობა საკმაოდ ძვირადღირებული კონატრუქციაა, რომელმაც განსაკუთრებით ამ ბოლო პერიოდში დაკარგა ფუნქცია. მან ვერ იპოვა თავისი ფუნქციონალი, თავისი დატვირთვა. იქიდან გამომდინარე , რომ ეს საკმაოდ ძვირადღირებული შენობაა, თავის დროზე 340 მილიონზე მეტი დაუჯდა ბიუჯეტს, ჩემი აზრით, არც თუ ისე მარტივი იქნება ამის პრივატიზება. ჩვენ შორს ვართ იმ აზრისგან, რომ უბრალოდ ელექტრონულ აუქციონზე ამ ფასით გამოტანასთან ერთად ის მარტივად გასხვისდება. ახლა კონსულტანტებთან ერთად ვმუშაობთ, თუ რა ფორმით, რა რეკომენდაციით შეიძლება შევთავაზოთ ეს ბიზნესს. ეს არაა მარტივი ამოცანა,” - აცხადებს მინისტრი.

შეგახსენებთ, „ინტერპრესნიუსის“ ინფორმაციით, მთავრობა ქუთაისში მდებარე პარლამენტის ყოფილი შენობის გაყიდვას გეგმავს, რასაც აღმასრულებელ ხელისუფლებაში ადასტურებენ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით