კარლ ჰარცელი - DCFTA ზრდის საქართველოს კონკურენტუნარიანობას და გლობალურ ბაზრებზე წვდომის შესაძლებლობას

თბილისში გამართულ ეკონომიკურ კონფერენციაზე „საქართველო და მსოფლიო 2020“ ევროკავშირის ელჩმა საქართველოში, კარლ ჰარცელმა ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) მნიშვნელობაზე ვრცლად ისაუბრა.

კარლ ჰარცელი კონფერენციის ფარგლებში გამართული პანელის „საქართველო ევროკავშირის ბაზარზე – მიღწეული შედეგები და არსებული გამოწვევები“ ერთ-ერთი მომხსენებელი იყო. როგორც თავის გამოსვლაში ევროკავშირის ელჩმა აღნიშნა, ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმება საქართველოს კონკურენტუნარიანობას და გლობალურ ბაზრებზე წვდომის შესაძლებლობას ზრდის.

„ღრმა და ყოვლისმომცველი თავისუფალი სავაჭრო სივრცის შესახებ შეთანხმება - ნათელია, რომ ეს არ გულისხმობს მხოლოდ თავისუფალ ვაჭრობას, ეს გახლავთ პროექტი, რომელიც საქართველოს აყენებს გზაზე იმისთვის, რომ მომავალში არ დასჭირდეს კონკურენცია ყველაზე დაბალ ხელფასებზე და ა.შ. ძალიან დიდი ძალისხმევა და ტკივილია საჭირო მიზნის მისაღწევად, მაგრამ როგორც კი გაწერილ, რთულ სტანდარტებს დააკმაყოფილებ, როგორც კი მიაღწევ ევროკავშირის სტანდარტებს, ეს ხსნის საქართველოსთვის გლობალური ბაზრების შესაძლებლობას“, - აღნიშნა ევროკავშირის ელჩმა.

აღნიშნულ ინფორმაციას ეკონომიკის სამინისტრო ავრცელებს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით