საფრანგეთის ქალაქ ნიცაში, კორონავირუსის საფრთხის გამო, კარნავალის დასკვნითი ღონისძიებები გაუქმდა.

„მიუხედავად იმისა, რომ ნიცაში კორონავირუსის არც ერთი შემთხვევა არ დაფიქსირებულა, მივიღე გადაწყვეტილება, რომ კარნავალის ბოლო დღის ღონისძიებები გაუქმდეს“, - დაწერა „ტვიტერზე“ ქალაქის მერმა.

ტრადიციული ე.წ. სამეფო კარნავალი ნიცაში 15 თებერვალს დაიწყო, შაბათს კი კარნავალი გრანდიოზული ფინალური ღონისძიებებით უნდა დახურულიყო. ნიცამ შაბათს დაგეგმილი ფოიერვერკიც გააუქმა.