თენგიზ ცერცვაძის ინფორმაციით, ინფექციურ საავადმყოფოში ამ დროისთვის 19 პაციენტი იმყოფება

თბილისის ინფექციური საავადმყოფოს გენერალური დირექტორის, თენგიზ ცერცვაძის ინფორმაციით, ამ მომენტისთვის, ინფექციურ საავადმყოფოში 19 პაციენტი იმყოფება.

როგორც ცერცვაძემ ჟურნალისტებს განუცხადა, 19 პაციენტიდან 17-ს უკვე ჩატარებული აქვს გამოკვლევა ახალი კორონავირუსის ინფექციაზე, 1 მათგანს დაუდასტურდა, ხოლო 16-ს - არა. 2 პაციენტი კი დღეს შეიყვანეს და ისინი ჯერ გამოკვლეულები არ არიან.

„ვისაც დაუდასტურდა, ის დარჩება ჩვენთან. ამ 16-დან 3-ს, ვინც საჭიროებს მკურნალობას არაკორონავირუსის გამო, მაგრამ საჭიროებს მკურნალობას, მათ გრიპი აქვთ, ისინი დარჩებიან ჩვენთან, ხოლო 13 პიროვნება, რომელსაც არ დაუდასტურდა კორონავირუსი და მათი მდგომარეობა კარგია, არ აღენიშნებათ ტემპერატურის მომატება ან რესპირაციული ინფექციის რაიმე სიმპტომები, ისინი გადაყვანილ იქნებიან საკარანტინო სივრცეში და კონტაქტიდან 14 დღის მანძილზე იქნებიან კარანტინში. ანუ 19-დან 13 პიროვნება გადაყვანილი იქნება კარანტინში, 6 დარჩება ჩვენთან, ამ 6-დან ერთს დადასტურებული აქვს ინფექცია, სამს არ აქვს კორონავირუსით ინფექცია, მაგრამ თავისი ჯანმრთელობის მდგომარეობის გამო საჭიროებს დარჩენას და მკურნალობას, ხოლო 2 ახალი მოსულია და ჯერ გამოკვლეული არ არის“, - განაცხადა ცერცვაძემ.

რაც შეეხება პაციენტს, რომელსაც კორონავირუსი დაუდასტურდა, თენგიზ ცერცვაძის თქმით, ამ დროისთვის მისი ჯანმრთელობის მდგომარეობა არის დამაკმაყოფილებელი.

"თუ რა სახის მკურნალობა ჩაუტარდება, დამოკიდებული იქნება იმაზე, თუ რა სიმძიმის იქნება ეს ინფექცია და რა გართულებები ექნება. ამ წუთში, ამ პაციენტის მდგომარეობა დამაკმაყოფილებელია. მას ტემპერატურის მომატება არ აღენიშნება და არც ფილტვების ანთება, პნევმონია არ აღენიშნება. ამ წუთში ის რაიმე ინტენსიური თერაპიის ჩატარებას არ საჭიროებს, მაგრამ თუ საჭიროება გახდება, მას ჩაუტარდება ყველა მკურნალობა",-განაცხადა ცერცვაძემ.

ცნობისთვის, დღეს საქართველოში კორონავირუსის პირველი შემთხვევა დაფიქსირდა. ინფექცია 50 წლის მამაკაცს დაუდასტურდა, რომელიც ქვეყანაში ირანიდან აზერბაიჯანის გავლით შემოვიდა.

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 02.04.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
"ლიბერთი" მომხმარებელზე ზრუნვას განაგრძობს
“ემბისიმ“  3-თვიანი საშეღავათო პერიოდით სარგებლობის მსურველთა ყველა განაცხადი დააკმაყოფილა.
"კერხერ-საქართველომ" ინფექციური პათოლოგიისა და შიდსის ცენტრს საჩუქრად "კერხერის" პროფესიონალური ორთქლის აპარატი გადასცა
KFC ექსკლუზიურად "ვოლტზეა"
"საქკაბელის" პროდუქციის შეძენა ვებ გვერდზე უკვე დისტანციურად არის შესაძლებელი
D ვიტამინის დეფიციტი და მწვავე რესპირატორული ვირუსული ინფექციები
"ვენდის" და "დანკინის" რესტორნები მუშაობის ახალ გრაფიკზე გადადის
სადაზღვევო კომპანია „ბენეფიტსი“ 5000 პსრ ტესტის ჩასატარებელ ნაკრებს ლუგარის კვლევით ცენტრს გადასცემს
„საქართველოს ბანკის“ მობილბანკი ფინანსური ოპერაციების შესრულებისას ნაკლებ ინტერნეტს მოიხმარს