აშშ-ის დაავადებთა კონტროლის სამსახურის და პრევენციის დირექტორის მოადგილე, ენ შჩუჩატი, რომელმაც კორონავირუსის საკითხთან დაკავშირებით ბრიფინგი აშშ-ის პრეზიდენტ დონალდ ტრამპთან ერთად გამართა, აცხადებს, რომ ქვეყანაში კორონავირუსის გავრცელებას ელოდებიან.

„ჩვენი აგრესიული შეკავების სტრატეგია აშშ-ში მუშაობს და სწორედ ამიტომაა, რომ გვაქვს შემთხვევების ასეთი დაბალი მაჩვენებელი ჯერჯერობით, თუმცა ჩვენ მეტ შემთხვევებს ველით და ახლა კარგი დროა, რომ ამისთვის მოვემზადოთ. ეს კარგი დროა ბიზნესისთვის, ჯანდაცვის სისტემისთვის, უნივერსიტეტებისთვის და სკოლებისთვის, რომ გადახედონ პანდემიისთვის მზადების გეგმებს და დარწმუნდნენ, რომ ისინი მზად არიან“,-განაცხადა შჩუჩატმა.

ცნობისთვის, ამ დროისთვის აშშ-ში კორონავირუსის დაახლოებით 60 დადასტურებული შემთხვევაა დაფიქსირებული. აქედან 42 პირი, საკრუიზო გემ Diamond Princess-ზე ინფიცირდა.