გიგი წერეთელი - საქართველოში კორონავირუსის დაფიქსირების შემდეგ  ბევრი კითხვაა საზოგადოებაში, ყველაზე ცუდი, რაც შეიძლება იყოს, გადამეტებული რეაქციებია

„ევროპული საქართველო - მოძრაობა თავისუფლებისთვის“ ფრაქციის თავმჯდომარე გიგი წერეთელი აცხადებს, რომ საქართველოში კორონავირუსთან დაკავშირებით პანიკის საფუძველი არ არსებობს.

მისი თქმით, საჭიროა ძალიან აქტიური მოქმედება, თანამშრომლობა საერთაშორისო ინსტიტუტებთან და ჯანდაცვის მსოფლიო ორგანიზაციასთან.

„მას შემდეგ საქართველოში დაფიქსირდა კორონავირუსი, არის ძალიან ბევრი კითხვა საზოგადოებაში, შეშფოთება, ყველაზე ცუდი, რაც ასეთ ვითარებაში შეიძლება იყოს, არის გადამეტებული რეაქციები, ჯერჯერობით ამის საფუძველი მართლაც არ არის. თუმცა, სამინისტრო და შესაბამისი სამსახურები უნდა იყვნენ ყველაფრისთვის მზად და ამისათვის საჭიროა ძალიან აქტიური მოქმედება, თანამშრომლობა საერთაშორისო ინსტიტუტებთან და ჯანდაცვის მსოფლიო ორგანიზაციასთან. საბედნიეროდ, ჩვენ გვყავს საკმაოდ კომპეტენტური დაავადებათა კონტროლის სამსახური და ასევე საქართველოში არის ძალიან სერიოზული ლუგარის ლაბორატორიული ცენტრი. ეს ძალიან კარგია ამ მიმართულებით, მაგრამ არის ბევრი სხვა საკითხი, რასაც ყურადღების მიქცევა სჭირდება”,-განაცხადა წერეთელმა.

მისი თქმით, კორონავირუსთან დაკავშირებით მოსახლეობას ინფორმაცია სწორად უნდა მიეწოდოს.

„რა თქმა უნდა, უნდა იყოს გონივრული გადაწყვეტილებები, რაც ეხება მიმოსვლას, საზღვრების კონტროლს და ასე შემდეგ. არის საკმაოდ ოპტიმისტური პროგნოზები მსოფლიოში. იგივე ჩინეთში, მხოლოდ ჰუბეის პროვინციაში იყო გართულებები, ახალი შემთხვევები შემცირდა, ლეტალური შემთხვევები ამ პროვინციის მიღმა ძალიან მცირეა, აღარ არის ბოლო ორი სამი კვირის განმავლობაში. მაგალითისთვის, ვიეტნამში 16 დაავადებული იყო და ყველა გამოჯანმრთელდა. არის საკმაოდ ოპტიმისტური პროგნოზები მსოფლიოში “,-განაცხადა წერეთელმა.

მისი თქმით, კორონავირუსთან დაკავშირებით მოდუნება არ შეიძლება.

„პოლიტიკურ ჭრილში არ გადაგვყავს საკითხი, მაგრამ არის თემები, რომლებსაც ხელისუფლებამ უკეთესად უნდა მიხედოს და უნდა მიეხედა წინა პერიოდში, დაგეგმვის თვალსაზრისით. როცა ზამთარი მოდის, ყოველთვის ხდება მსოფლიოში აფეთქება და არის გარკვეული ეპიდემიის საფრთხე და ამას გაცილებით უკეთესი მომზადება სჭირდება. მაგალითად, ამ შეშფოთების გამო პრაქტიკულად არის პირბადეების დეფიციტი, რაც მნიშვნელოვანი საშუალებაა და ზოგიერთ რეგიონში ათჯერ გაიზარდა ფასი. ხელმისაწვდომი თუ არ იქნა ესენციური მედიკამენტები, სადეზინფექციო საშუალებები, რაც ძალიან ბევრ ქვეყანაში უფასოა, მაშინ ვერ ვიტყვით, რომ პრევენციული ღონისძიებები კარგად ტარდება. ამას სჭირდება კონტროლი და ეფექტური მოქმედება ხელისუფლების მხრიდან და არა მხოლოდ დამამშვიდებელი განცხადებები, რაც თავისთავად ცუდი ნამდვილად არ არის. ხელისუფლებამ უნდა მიაქციო ყურადღება, რომ არ დაუშვას იმგვარი აუცილებელი ნივთების, საშუალებების თუ სურსათის დეფიციტი, რამაც შეიძლება კიდევ უფრო გაართულოს ვითარება და ადამიანები სასოწარკვეთას მიეცნენ რისი საფუძველიც დღესდღეობით არ არის. მოვუწოდებ ჯანდაცვის სამინისტროს, ამ პერიოდში ვიდრე არის ინტერესი, გახადოს ცხელი ხაზი უფასო. ცხელი ხაზის დანიშნულება არის, რომ უფასოდ და სწრაფად მიიღოს ინფორმაცია ადამიანმა”,-აღნიშნა წერეთელმა.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
„ლუტეცია ჯგუფი“ ვახტანგ ფხაკაძის სახელობის საქველმოქმედო ფონდს აარსებს
ახალი სერვისი არააქტიური მოპოვების ლიცენზიის მფლობელებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“