გერმანიის ელჩი დიპლომატების, ოპოზიციის და ხელისუფლების შეხვედრაზე - მინდა გთხოვოთ, რომ მოთმინება გამოიჩინოთ და რამდენიმე დღეში გეცოდინებათ თუ რა არის შედეგი
საქართველოში გერმანიის ელჩმა ჰუბერტ ქნირშმა დიპლომატების მონაწილეობით ხელისუფლებასა და ოპოზიციას შორის დღეს გამართული არაფორმალური შეხვედრა შეაფასა როგორც წარმატებული, თუმცა განაცხადა, რომ შეხვედრას რაიმე კონკრტული შედეგი არ მოუტანია.
„არაფორმალური საუზმე იყო. ყველამ იცის რა საკითხებია მნიშვნელოვანი დღეს და ეს იყო ძალიან კარგი შეხვედრა. ამ დღეებში ყველა ლაპარაკობს ერთსა და იმავე საკითხებზე და შემიძლია გითხრათ, რომ ეს იყო წარმატებული შეხვედრა. მათ არ მიუღწევიათ ამ პროცესის კონკრეტული შედეგისთვის, თუმცა აქ ყველა მუშაობს ამის მისაღწევად. ამას სჭირდება ცოტა კიდევ უფრო მეტი დრო. მინდა გთხოვოთ, რომ მოთმინება გამოიჩინოთ და რამდენიმე დღეში გეცოდინებათ თუ რა არის შედეგი“, - განაცხადა ჰუბერტ ქნირშმა.
