დავით ჭიჭინაძე ეკონომიკის მინისტრის მოადგილეს - რაც ისწავლე, შენთვის შეინახე

რაც ისწავლე, შენთვის შეინახე. აქ არ გვჭირდება შენი ნასწავლის დემონსტრირება , - ამ სიტყვებით დამოუკიდებელმა დეპუტატმა დავით ჭიჭინაძემ ეკონომიკის მინისტრის მოადგილეს გენადი არველაძეს კომიტეტის სხდომაზე მიმართა. მათ შორის კამათი რკინიგზის პრივატიზების შესახებ ფინანსთა მინისტრის ინიციატივაზე მსჯელობას მოჰყვა.

„რომ გამოდის ეს დალოცვლილი მინისტრი და ამბობს, რკინიგზა წამგებიანია და კერძოში მომგებიანი გახდებაო. ამ წამგებიანი სტრუქტურების დირექტორები ამხელა ხელფასებს რომ იღებენ და ერთი პრემიერ-მინისტრად დაგვისვით, ამაზე პასუხი აღარ უნდა აგოთ? არაფერს ამ ქვეყანაში თავისი სახელი არ ჰქვია. რაში იღებთ ხელფასს? რაზე მოგაქვთ ეს კანონები, რომ რაღაც გაფუჭდეს და ვიღაცის საკუთრება გახდეს? პარლამენტი პარლამენტს აღარ ჰგავს და მთავრობა - მთავრობას. ბალცეროვიჩის ვიზიტზე რომ ამბობდით, პატარები ხართ და ეტყობა არ გახსოვთ, რომ მას დაქცევაში უხდიდნენ ფულს. ბალცეროვიჩი იყო შევარდნაძის ეკონომიკური მრჩეველი და დააქცია ქვეყანა“, - განაცხადა ჭიჭინაძემ.

მას გენადი არველაძემ უპასუხა, რომ მასთან პოლიტიკურ დებატში შესვლას არ აპირებს.

„არ ვაპირებ, თქვენთან პოლიტიკურ დებატში შემოსვლას. შევარდნაძის დროინდელ პოლიტიკაზე კომენტარს ვერ გავაკეთებ, თუმცა ბევრი ვისწავლე და გამოცდილებაც შევიძინე, თუ როგორ ვხედავდე ამ ქვეყნის ეკონომიკურ განვითარებას სწორად,"- განაცხადა გენადი არველაძემ.

მინისტრის მოადგილის ამ განცხადებას დავით ჭიჭინაძის გაღიზიანება მოჰყვა, რის შემდეგაც უპასუხა, რომ მისი განათლების დემონსტრირება „არავის სჭირდება".

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა