პენიტენციური სამსახურის წარმომადგენლის განმარტებით, მსჯავრდებული დეკანოზი გადაადგილებაზე უარს „პირადი მოტივით“ აცხადებს

სპეციალური პენიტენციური სამსახურის წარმომადგენლის ნიკა აბრამიშვილის განმარტებით, მსჯავრდებული დეკანოზი გიორგი მამალაძე გადაადგილებაზე უარს საკუთარი სურვილით აცხადებს. აღნიშნულთან დაკავშირებით, აბრამიშვილმა სასამართლო პროცესის დასრულების შემდეგ ჟურნალისტებთან განაცხადა.

პენიტენციური დაწესებულების წარმომადგენელი დეკანოზის ჯანმრთელობასთან დაკავშირებით შეფასებას არ აკეთებს და აღნიშნავს, რომ აღნიშნულის შეფასება შესაბამისი სამედიცინო პერსონალის და ექსპერტების მიერ მოხდება.

„სამედიცინო დოკუმენტაციიდან გამომდინარე, დადასტურებით არ ირკვევა, რომ მსჯავრდებულს დამოუკიდებლად არ შეუძლია გადაადგილება, მაგრამ პირადი მოტივით მსჯავრდებული უარს აცხადებს გადაადგილებაზე, მუდმივად მწოლიარე მდგომარეობაში იმყოფება. მსჯავრდებულის ღირსებისა და ინტერესების პრიორიტეტებიდან გამომდინარე, ჩვენი შუამდგომლობაა სასამართლო პროცესი ჩატარდეს ბრალდებულთა და მსჯავრდებულთა სამკურნალო დაწესებულებაში“, - განაცხადა აბრამიშვილმა.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 21.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)