თორნიკე მამალაძე - იუსტიციის სამინისტროს, მთავრობას არ სურს საზოგადოებამ დაინახოს თუ რა მდგომარეობაშია ჩემი ძმა

მსჯავრდებული დეკანოზის გიორგი მამალაძის ძმის, თორნიკე მამალაძის განცხადებით, დღეს გასამართი სასამართლო პროცესის შესახებ ძმას თავად შეატყობინა და არა პენიტენციურმა დაწესებულებამ. როგორც თორნიკე მამალაძე განმარტავს, ხელისუფლებას არ სურს მისი ძმის ჯანმრთელობის მდგომარეობა საზოგადოებამ ნახოს. მისივე განცხადებით, დეკანოზი სასამართლოში საკაცით უნდა მოეყვანათ და სწორედ ამის გასაჯაროებას აარიდა თავი იუსტიციის სამინისტრომ.

„იუსტიციის სამინისტროს, „ქართული ოცნების“ მთავრობას არ სურს საზოგადოებამ დაინახოს თუ რა მდგომარეობაშია ჩემი ძმა. ამას ადასტურებს არაერთი ექსპერტიზა, ამას ადასტურებენ ციხის ადმინისტრაციის მკურნალი ექიმები, რომლებიც ჩემ ძმას მეთვალყურეობენ. ოქმებშია ასახული თუ რამდენად არის პარალიზებული. მათ არ სურთ საზოგადოებამ დაინახოს თუ რა დღეში ჩააგდეს უდანაშაულო ადამიანი. ჩვენ დაგვიკავშირდა მოსამართლის თანაშემწე და გვითხრა, რომ სასჯელაღსრულებიდან ეტაპირება ვერ მოხდა, მაგრამ ახლა მოსამართლემ გადაწყვეტილება შეცვალა და ჩემ ძმას გადააბრალა. ეს ტყუილია, ვინაიდან ჩემმა ძმამ გუშინ არ იცოდა სასამართლო სხდომა რომ ჰქონდა. გუშინ შევედი მასთან და მე ვაცნობე, რომ პროცესი დღეისთვის იყო ჩანიშნული, ის გაკვირვებული დარჩა, რადგან სასჯელაღსრულებამ ეს ინფორმაცია არ მიაწოდა. ჩვენ შევთანხმდით, რომ ის ხელს არ მოაწერდა, რომ მისი პროცესი სურვილისამებრ ჩატარდებოდა მე-18 დაწესებულებაში. ჩემმა ძმამ მითხრა, რომ ის მიმართავდა შესაბამის დაწესებულებას, რომ მისი ეტაპირება მომხდარიყო, მაგრამ დღეს დაგვირეკეს და გვითხრეს, რომ სასჯელაღსრულების დაწესებულებიდან ვერ მოხდა მისი ეტაპირება", - განაცხადა მამალაძემ.

მისივე თქმით, მოსამართლე ლილი მსხილაძე საპატრიარქოსთან დაახლოებული პირია და ის საპატრიარქოს უნივერსიტეტში მუშაობდა. ამასთან, დეკანოზის ძმის განმარტებით, გიორგი მამალაძე ეტლშიც კი ვერ ჯდება.

„ის ეტლშიც ვერ ჯდება, სასჯელაღსრულების ექიმების ოქმებშიც არის აღწერილი, რომ მაქსიმუმ, 9 წუთი ჰყავდათ ეტლში გაჩერებული და შემდეგ გადააწვინეს საკაცეზე, ის საკაცით უნდა მოეყვანათ პროცესზე. რამდენიმე დღის წინ, პარლამენტის თავმჯდომარემ განაცხადა, რომ წინა მთავრობის დროს პატიმრები ჯანმრთელები შედიოდნენ და ინვალიდები გამოდიოდნენ, ჩვენი მთავრობის დროს ასეთი რამე არ ხდება, ამიტომაც მათ სურდათ, რომ ასეთი პრეცდენტი არ მომხდარიყო „ქართული ოცნების“ დროს და ისინი მალავენ, რომ საპყრობილეში ჯანმრთელი შევიდა და ის უკვე ინვალიდი გამოვა“, - განაცხადა მამალაძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა