რუსეთში არ ადასტურებენ ინფორმაციას, რომ თურქეთის მიერ მხარდაჭერილმა სირიის ოპოზიციურმა ძალებმა იდლიბის საკვანძო ქალაქ სარაქიბზე კონტროლი დაიბრუნეს

თურქეთის მიერ მხარდაჭერილმა სირიის ამბოხებულებმა იდლიბის პროვინციის სტრატეგიულ ქალაქ სარაქიბზე კონტროლი დაიბრუნეს. ინფორმაციას „როიტერსი“ ავრცელებს. აღსანიშნავია, რომ სარაქიბი იდლიბის პროვინციის ერთ-ერთი ყველაზე საკვანძო წერტილია.

„სარაქიბის ქალაქი სრულად თავისუფალია ასადის ბანდებისგან“, - აცხადებს ნაჯი მუსტაფა, აჯანყებულთა კოალიციის პრესსპიკიერი.

ინფორმაციას უარყოფენ რუსეთში. წყარომ სამხედრო უწყებიდან რუსულ მედიას განუცხადა, რომ სარაქიბს კვლავ სამთავრობო ძალები აკონტროლებენ.

ცნობისთვის, იდლიბის პროვინციის ძირითად პოზიციებზე რუსეთის დახმარებით სირიის მთავრობის ჯარებმა კონტროლი რამდენიმე დღის წინ დაამყარეს. მას შემდეგ თურქეთმა ოპოზიციის მხარდასაჭერად რეგიონში საკუთარი სამხედრო ყოფნა გააძლიერა.

გუშინ კიდევ ერთი განცხადება გააკეთა თურქეთის პრეზიდენტმა რეჯეფ ტაიფ ერდოღანმა. მისი თქმით, ანკარას მოთმინება ამოიწურა და თვის ბოლოდან რეგიონში ფართომასშტაბიან ოპერაციებს დაიწყებს.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული