გიორგი ვაშაძე - ონკოლოგიური ცენტრის პრობლემებზე იურისტებთან ერთად ჯანდაცვის სამინისტროსთან ოფიციალურ მოთხოვნას დავაყენებთ

„ახალი საქართველოს“ თავმჯდომარე გიორგი ვაშაძე ლისის ონკოლოგიურ ცენტრს ეწვია, სადაც ინფრასტრუქტურა ცუდ მდგომარეობაშია და ექიმებს ცხრა თვის მანძილზე ხელფასი არ აუღიათ. ვაშაძის განცხადებით, პოლიტიკა გვერდზე უნდა გადაიდოს და ამ პრობლემის მოსაგვარებლად კონკრეტული სამოქმედო გეგმა შემუშავდეს. ამის შესახებ „ინტერპრესნიუსს“ "ახალი საქართველოდან" აცნობეს.

„ეს ადგილი, სადაც ახლა ვიმყოფებით უნდა იყოს ფუნდამენტი ონკოლოგიური დაავადებების დამარცხების, მათი მკურნალობის. არ არის ადამიანური, როცა იღებ პასუხისმგებლობას და ექიმებს და ინფრასტრუქტურას ასეთ პირობებში ამყოფებ. მარტო ექიმები კი არა ავადმყოფები და პაციენტები ზარალდებიან. ვერ ვშველით იმ ადამიანს, რომელსაც შეიძლება ვუშველოთ, ამიტომ ძალიან მნიშვნელოვანია ამ საკითხის გადაწყვეტა. შევთანხმდით კონკრეტულ სამოქმედო გეგმაზე, ექიმებთან და ადმინისტრაციის წარმომადგენლებთან ერთად.

ჩვენ ვართ განწყობილები ერთი რამის მიმართ, რომ პოლიტიკა გვერდით უნდა გადავდოთ და საქმე უნდა გადაიჭრას, ქალბატონ ტიკარაძეს მოვუწოდებ, რომ მზად ვართ ნებისმიერ წამს შეხვედრისათვის, რომ ეს საქმე გადაიჭრას. ეს არის მისი პასუხისმგებლობა და ვერ დაიძვრენს თავს ამ პასუხისმგებლობისაგან, ამის გარანტიას ვაძლევ",-აცხადებს ვაშაძე.

გიორგი ვაშაძის განცხადებით, ჯანდაცვის სამინისტროსთან ოფიციალურ მოთხოვნას დააყენებენ.

„ოთხშაბათს არის შემდეგი შეხვედრა ჩანიშნული, სადაც უკვე იურისტებთან ერთად შევხვდებით და ოფიციალურ მოთხოვნას დავაყენებთ ჯანდაცვის სამინისტროსთან, არ მოვეშვებით ამ საკითხს, ვიდრე ჯანდაცვის სამინისტრო ამ ყველაფერს არ გადაწყვეტს. ექიმების ბედის ანაბარა დატოვება არის არაადამიანური, არასწორი ქმედება. ბევრმა გაუგებრობამ და ათასნაირმა ინტერესებმა, რომელიც ამ ტერიტორიისა და საავადმყოფოს მიმართ ტრიალებს ძალიან დიდი პრობლემა შექმნა და კრიზისში ჩააგდო ფაქტობრივად თანამშრომლებიც და ონკოლოგიის ცენტრიც“,- აცხადებს გიორგი ვაშაძე.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა