ირანის ვიცე-პრეზიდენტი მასუმე ებთექარი კორონავირუსით დაინფიცირდა. ამის შესახებ ადგილობრივი სააგენტო „ირნა“ მის მრჩეველზე დაყრდნობით იუწყება.

„დაინფიცირების ზოგიერთი ნიშნის გათვალისწინებით, ებთექარს ანალიზები ჩაუტარდა, რამაც დადებითი პასუხი აჩვენა“, - განუცხადა სააგენტოს ვიცე-პრეზიდენტის მრჩეველმა.

დღევანდელი მონაცემებით, ირანში კორონავირუსით დაინფიცირებულთა რაოდენობა 245 ადამიანს შეადგენს, რომელთაგან 26 გარდაიცვალა.