აზერბაიჯანის ეკონომიკის მინისტრი - საქართველო აზერბაიჯანისთვის ძალიან მნიშვნელოვანი ეკონომიკური პარტნიორია

საქართველო აზერბაიჯანისთვის ძალიან მნიშვნელოვანი ეკონომიკური პარტნიორია, - ამის შესახებ აზერბაიჯანის ეკონომიკის მინისტრმა მიქაელ ჯაბაროვმა საქართველოს ეკონომიკისა და მდგრადი განვითარების მინისტრთან ნათია თურნავასთან ბაქოში გამართული შეხვედრის შემდეგ განაცხადა.

მიქაელ ჯაბაროვის თქმით, აზერბაიჯანული კომპანიები ძალიან აქტიურები არიან და მნიშვნელოვან ინვესტიციებს ახორციელებენ საქართველოს ეკონომიკაში.

„შეხვედრაზე განვიხილეთ არსებული პროექტების სტატუსი და ასევე თანამშრომლობის სამომავლო შესაძლებლობები, არა მხოლოდ არსებული ეკონომიკური ბრუნვისა და ინვესტიციების ინტენსიფიკაციის თვალსაზრისით, არამედ ჩვენი ეროვნული ეკონომიკების შესაბამისობის უზრუნველყოფის კუთხით, რათა კიდევ უფრო მიმზიდველი გავხადოთ ჩვენი ბაზრები როგორც ეროვნული, ისე საერთაშორისო უცხოური ინვესტიციებისთვის“, - აღნიშნა მიქაელ ჯაბაროვმა.

როგორც „ინტერპრესნიუსს“ ეკონომიკისა და მდგრადი განვითარების სამინისტროდან აცნობეს, შეხვედრაზე მხარეებმა ასევე, განიხილეს ის პროექტები, რომლებიც ხორციელდება ისეთ სფეროებში, როგორებიცაა ენერგეტიკა, ექსპორტი და ტრანზიტი, მათ შორის, საკონტეინერო და არასაკონტეინერო გადაზიდვები, საერთო სამომავლო საინვესტიციო პროექტები და ვაჭრობა.

უწყების ინფორმაციით, ეკონომიკისა და მდგრადი განვითარების მინისტრი ნათია თურნავა აზერბაიჯანის რესპუბლიკაში ორდღიანი სამუშაო ვიზიტით იმყოფება. ნათია თურნავა ხვალ სამხრეთ გაზის კორიდორის მრჩეველთა საბჭოს მინისტერიალს დაესწრება და მონაწილეობას მიიღებს სესიაში „სამხრეთ გაზის კორიდორი: მიღწევები და გამოწვევები“.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე