გამანაწილებელ ქსელში დაგეგმილი სარეაბილიტაციო სამუშაოების გამო, 28 თებერვალს 11:00-დან 17:00 საათამდე ენერგომომარაგება დროებით შეეზღუდებათ მომხმარებლებს თიანეთის მუნიციპალიტეტის სოფლებში ახალსოფელი, ჩაბანო, დულუზაურები, ლიშო, კვერნაულა, ჭიაურა, სხლოვანი, ქუშხევი და მიმდებარე სოფლებში. ამის შესახებ „ინტერპრესნიუსს“ კომპანია „ენერგო-პრო ჯორჯიადან“ აცნობეს.
მათივე ცნობით, 12:00-დან 13:00 საათამდე ელექტროენერგიის მიწოდება გაეთიშება დუშეთის მუნიციპალიტეტის სოფლებს წითელი კლდე, ჩინთი, დოლოშა, ახალციხე, ვარცლა, მიგრიაულები, ფიჭვიანი და მიმდებარე სოფლებს, ხოლო 12:00-დან 13:00 საათამდე - სოფლებს არაგვისპირი, ბოდორნა, აგატი, ბიჩნიგაურები, ჟინვალი, ჭალის და ჭოპორტის აგარაკებს.
სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.