ბიზნესისა და ტექნოლოგიების უნივერსიტეტის მოწვევით საქართველოს აშშ-ს ელიტარული სამხედრო სასწავლებლების კადეტები  ესტუმრებიან

ამერიკის სამხედრო კოლეჯის ციტადელისა (Citadel Military College) და ჯორჯიის სამხედრო უნივერსიტეტის (University of North Georgia) კადეტები, უსაფრთხოების მიმართულებით გადამზადების სპეციალური კურსის გასავლელად რეგიონს მეორედ სტუმრობენ. სტრატეგიულ პარტნიორად საქართველო, უნივერსიტეტად კი ბიზნესისა და ტექნოლოგიების უნივერსიტეტია შერჩეული.

2019 წელს, ელიტარული სამხედრო სასწავლებლის, ციტადელის კადეტები საქართველოს სტუმრობდნენ და სპეციალურად მათთვის შემუშავებული პროგრამა უსაფრთხოების მიმართულებით 3 კვირის განმავლობაში გაიარეს. 2020 წელს, მიღებულ იქნა გადაწყვეტილება, რომ ციტადელის კადეტთა შემადგენლობა გაორმაგდება, ჯგუფს კი დაემატება ახალი სასწავლებლის კადეტების გუნდიც ჯორჯიის უნივერსიტეტიდან. აღნიშნული პროგრამა სტრატეგიულ მნიშვნელობას ატარებს ქართულ-ამერიკული ურთიერთობების გაღრმავებისთვისაც.

ციტადელი მსოფლიოს მოწინავე სამხედრო კოლეჯია, რომელიც აშშ-ში, სამხრეთ კაროლინაში მდებარეობს. კოლეჯი 1842 წელს გაიხსნა. “ფორბსის” სარეიტინგო სისტემების მიხედვით ციტადელის სამხედრო კოლეჯი გახსნის დღიდან ლიდერებს შორისაა სამხედრო სწავლების მიმართულებით. კოლეჯის კურსდამთავრებულებით დაკომპლექტებულია მსოფლიოს მრავალი ქვეყნის შეიარაღებული ძალები, მთავრობები და მსხვილი საერთაშორისო ორგანიზაციები.

ჯორჯიის უნივერსიტეტი ჯორჯიის საუნივერსიტეტო სისტემის ნაწილია და არის სახელმწიფო ლიდერების უნივერსიტეტი. ჯორჯიის უნივერსიტეტი niche-ს სარეიტინგო სისტემების მიხედვით მოწინავე ადგილს იკავებს სახელმწიფო უნივერსიტეტებს შორის. უნივერსიტეტს 20 000-მდე სტუდენტი ჰყავს და არის შტატების ერთ-ერთი ყველაზე დიდი სახელმწიფო უნივერსიტეტი.

ციტადელის სამხედრო კოლეჯისა და ჯორჯიის უნივერსიტეტის კადეტები BTU-ს 2020 წლის ზაფხულში ეწვევიან.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს