„თიბისი ბანკის“ გენერალური დირექტორი აცხადებს, რომ ფიზიკური პირებისთვის საბანკო რეგულაციების გამარტივების შესახებ პრინციპული შეთანხმება არსებობს

„თიბისი ბანკის“ გენერალური დირექტორი, ვახტანგ ბუცხრიკიძე აცხადებს, რომ ფიზიკური პირებისთვის საბანკო რეგულაციების გამარტივების შესახებ პრინციპული შეთანხმება არსებობს.

„ინტერპრესნიუსის“ კითხვაზე, რა გამოწვევების წინაშე იდგა ზოგადად საბანკო სექტორი და „თიბისი ბანკი“ 2019 წელს, ბუცხრიკიძე აცხადებს, რომ გასულ წელს, რეგულაციების გამო, ყველაზე ნაკლები ზრდა ფიზიკური პირების დაკრედიტებაში იყო და რეგულაციების შერბილებას მარტი-აპრილში პროგნოზირებს.

„2019 წელს ძირითადი ზრდა გვქონდა კორპორატიულ ბიზნესში, საშუალო და მცირე ბიზნესში. ზრდა იყო 30%-ზე მეტი. ყველაზე ნაკლები ზრდა ფიზიკური პირების დაფინანსებაში გვქონდა და ამისი ლოგიკა ის იყო, რომ მოგეხსენებათ 2019 წლის დასაწყისში რეგულაცია გამკაცრდა ფიზიკური პირების დაფინანსების კუთხით.

ბოლო სამი თვის განმავლობაში საკმაოდ აქტიური საუბრები, კონსულტაციები მიმდინარეობს ეროვნულ ბანკთან და ჩვენი მოლოდინია, რომ მარტი-აპრილში მოხდება ამ რეგულაციების გამარტივება, რაც იმას გამოიწვევს, რომ წელს როგორც „თიბისი ბანკის“, ისე ზოგადად საბანკო სექტორის ზრდა ფიზიკურ პირებზე სესხების გაცემაში უფრო მეტად აქტიური იქნება. მთავარია რომ პრინციპული შეთანხმება არსებობს“, - აცხადებს ბუცხრიკიძე.

შეგახსენებთ, 2019 წლის პირველი იანვრიდან ძალაში შევიდა ეროვნული ბანკის მიერ დამტკიცებული, ფიზიკურ პირებზე პასუხისმგებლიანი დაკრედიტების დებულება, რომლის თანახმადაც სესხის გამცემი ვალდებულია მსესხებლის გადახდისუნარიანობა შეაფასოს. ამასთან, დაწესდა სესხის მომსახურებისა და უზრუნველყოფის კოეფიციენტების მაქსიმალურ ზღვრები შემოსავლებთან მიმართებაში.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება