სერგი კაპანაძე - პროგრესი შესაძლებელია, ოღონდ ამისთვის ივანიშვილმა ჯერ პოლიტიკური დევნის პრობლემა უნდა მოაგვაროს

„ევროპული საქართველოს“ ერთ-ერთი ლიდერის, სერგი კაპანაძის განცხადებით, ოპოზიციას მიაჩნია, რომ მოლაპარაკებებში პროგრესი შესაძლებელია, ოღონდ ამისთვის ივანიშვილმა ჯერ პოლიტიკური დევნის პრობლემა უნდა მოაგვაროს. როგორც კაპანაძე აღნიშნავს, ეს ეხება როგორც დაპატიმრებულ ადამიანებს, ასევე მიმდინარე საქმეებს.

რაც შეეხება საარჩევნო სისტემის საკითხს, კაპანაძის თქმით, ოპოზიციას გეგმა „ბ“-ც აქვს.

„ოპოზიციის დამოკიდებულება საარჩევნო რეფორმის მიმართ რჩება ზუსტად იგივე, რაც აქამდე იყო და ჩვენს პოზიციაში არაფერი შეცვლილა. ჩვენ მიგვაჩნია, რომ პროგრესი არის შესაძლებელი, ოღონდ ამისთვის ივანიშვილმა ჯერ უნდა მოაგვაროს პოლიტიკური დევნის პრობლემა; ეს ეხება როგორც დაპატიმრებულ ადამიანებს, ასევე მიმდინარე საქმეებს. გარდა ამისა, მოლაპარაკება უნდა იყოს ისეთი მოდელის ირგვლივ, რომელიც გულისხმობს პროპორციულთან მიახლოებული სისტემის შექმნას. ამის მოდელები განხილულ იქნა და ალბათ აქ შესაძლებელია კონსენსუსის მიღწევა. მაგრამ ივანიშვილმა უარი უნდა თქვას იმ პრინციპზე, რომ მოსახლეობის მესამედის, ან მცირე მხარდაჭერით შექმნას ერთპიროვნულად მთავრობა. ეს არის სრულიად მიუღებელი. აქ საქმე არ ეხება მარტო „ქართულ ოცნებას“, ნებისმიერმა პარტიამ, რომელიც მიიღებს მცირე მხარდაჭერას, არ უნდა ჰქონდეს შესაძლებლობა შექმნას ერთპიროვნულად მთავრობა. ეს არის ჩვენი, ოპოზიციის მოთხოვნა და ამის ირგვლივ გავაგრძელებთ მოლაპარაკებას.

ვადა ჯერ კიდევ არის და ბურთი არის ჯერ კიდევ ივანიშვილის მოედანზე. ვაპირებთ ჩვენს პარტნიორებთანაც გავაგრძელოთ საუბარი და დავიცავთ საზოგადოების პოზიციას. რასაც ივანიშვილი გადაწყვეტს, იქედან გამომდინარე ვიმოქმედებთ. თუ უარს იტყვის ამაზე, გვაქვს გეგმა „ბ“, რომელზეც დიდი ხანია ვმუშაობთ. ეს გულისხმობს მაჟორიტარულ ოლქებში მაჟორიტარი კანდიდატების კოორდინირებას, რომ ერთიანი ფრონტით, თითო კანდიდატით დავუპირისპირდეთ ივანიშვილს და ამ გზით დავამარცხოთ“, - განაცხადა სერგი კაპანაძემ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება