იენს სტოლტენბერგი - ნატო აგრძელებს თურქეთის მხარდაჭერას და გმობს სირიის რეჟიმისა და რუსეთის მიერ განხორციელებულ ქმედებებს იდლიბში

ნატო აგრძელებს თურქეთის მხარდაჭერას და გმობს სირიის რეჟიმისა და რუსეთის მიერ განხორციელებულ ქმედებებს იდლიბის რეგიონში, - ამის შესახებ ჩრდილოატლანტიკური ალიანსის გენერალურმა მდივანმა, იენს სტოლტენბერგმა ნატო-ს ელჩების საგანგებო სხდომის შემდეგ ჟურნალისტებთან განაცხადა.

„მე მათ მოვუწოდებ შეწყვიტონ თავდასხმები, პატივი სცენ საერთაშორისო კანონმდებლობას და მხარი დაუჭირონ გაერო-ს მცდელობებს, მოხდეს სიტუაციის მშვიდობიანი დარეგულირება“, - აცხადებს სტოლტენბერგი.

მისივე თქმით, დღევანდელი შეხვედრა ნატო-ს მიერ თურქეთის მიმართ სოლიდარობის ნიშანია.

„დღევანდელი შეხვედრა ნათელი ნიშანია თურქეთისადმი სოლიდარობის. თურქეთი არის ნატო-ს მოქმედი მოკავშირე და მას უწევს ყველაზე მეტის გადატანა სირიაში არსებული საშინელი კონფლიქტის გამო. ნატო აგრძელებს თურქეთის მხარდაჭერას სხვადასხვა ზომებით, მათ შორის საჰაერო თავდაცვით, რომელსაც შეუძლია ქვეყანა სირიიდან მომდინარე სარაკეტო თავდასხმებისგან დაიცვას“, - აღნიშნულია ნატო-ს გენერალური მდივნის განცხადებაში.

ცნობისთვის, ნატო-ს ელჩების საგანგებო კონსულტაციები დღეს თურქეთის მოთხოვნით ბრიუსელში გაიმართა. ანკარამ ორგანიზაციას მას შენდეგ მიმართა, რაც გუშინ, იდლიბის რეგიონში, რუსეთის მიერ მხარდაჭერილი ძალების თავდასხმის შედეგად 33 თურქი ჯარისკაცი დაიღუპა.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 30.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
„დრიმლენდ ოაზისი ჩაქვის“ დამფუძნებლების გადაწყვეტილებით, სასტუმრო სრული მომსახურების პაკეტით უსასყიდლოდ გადაეცა სახელმწიფოს საკარანტინე მიზნებისთვის, სამშობლოში დაბრუნებული მოქალაქეების განსათავსებლად
„მაკდონალდსი“ ლუგარის ლაბორატორიის პერსონალის კვებაზე ზრუნავს
„ვენდი“ და „დანკინი“ მიწოდების უკონტაქტო სერვისზე გადადის