საბერძნეთ-თურქეთის სახმელეთო საზღვარზე ბერძენმა სამართალდამცველებმა 500-მდე მიგრანტისა და დევნილის დასაშლელად ცრემლსადენი გაზი გამოიყენეს. ისინი ცდილობდნენ ევროკავშირის ტერიტორიაზე შესვლას მას შემდეგ, რაც ანკარამ მიგრანტთა ნაკადებზე კონტროლი შეამცირა. ამის შესახებ ადგილობრივი მედია იუწყება.
საბერძნეთის სასაზღვრო ქალაქ ორესტიადას მერის ვასილის მავრიდისის განცხადებით, „დილიდან თურქი მესაზღვრეები გაქრნენ“.
ეს პირველი შემთხვევაა, როდესაც მიგრანტებისა და დევნილთა ასეთი დიდი ჯგუფი მასობრივად ცდილობდა საზღვრის გადაკვეთას.
პატრულირება გაამკაცრა საბერძნეთის სანაპირო დაცვის სამსახურმა საპორტო ქალაქ ალექსანდროპულოსთან, რაც მიზნად ისახავს თურქეთის ნახევარკუნძულ გაპილოლიდან გადასვლა გააკონტროლოს.
ცნობისთვის, გუშინ, თურქმა მაღალჩინოსანმა „როიტერს“ განუცხადა, რომ თურქეთი აღარ შეუშლის ხელს სირიელ დევნილებს იმოგზაურონ ევროპაში ხმელეთსა და ზღვაზე.