კავკასიის უნივერსიტეტის დელეგაციის წევრები, რომლებიც ირანიდან საქართველოში დაბრუნდნენ, საკარანტინო ზონაში მოთავსდებიან. ამის შესახებ ინფექციური საავადმყოფოს სამედიცინო დირექტორმა მარინა ეზუგბაიამ ჟურნალისტებს განუცხადა.
მისივე ინფორმაციით, მხოლოდ ერთ მათგანს დაუდასტურდა ცხელება.
„როგორც ჩემთვის ცნობილია, ეს 15-კაციანი ჯგუფი უნდა გადაეყვანათ საკარანტინო სივრცეში. მხოლოდ ერთ მათგანს დაუდასტურდა ცხელება, ახლახანს იყო ჩემთან სატელეფონო კომუნიკაცია. დაავადებათა კონტროლის სამსახური თუ გადაწყვეტს მოიყვანენ ჩვენთან და მოხდება მისი ჰოსპიტალიზაცია“, - განაცხადა ეზუგბაიამ.