ირანში კორონავირუსს 210 ადამიანი ემსხვერპლა, - ამ ინფორმაციას BBC ირანის ჯანდაცვის სისტემაზე დაყრდნობით ავრცელებს.
გარდაცვალების შემთხვევების უმეტესობა დედაქალაქ თეირანსა და ქალაქ ყუმში მოხდა. აქამდე გავრცელებული ცნობით, ქვეყანაში გარდაცვლილთა რაოდენობა 34-ს არ აღემატებოდა.
ირანის ჯანდაცვის სამინისტროს განცხადებით, ამჟამად ქვეყანაში კორონავირუსით 388 ადამიანია დაინფიცირებული. ვირუსის გამო, ქვეყნის პარლამენტმა მუშაობა შეაჩერა.