ჯანდაცვის სამინისტრო ჩინეთში პირბადეების გაგზავნის მიზეზებს განმარტავს

საქართველოს ჯანდაცვის სამინისტროს ჯანდაცვის დეპარტამენტის პროგრამების სამმართველოს უფროსის, ეკა ადამიას განცხადებით, საქართველოდან ჩინეთში, უხანის პროვინციაში ჩარტერული რეისით გაგზავნილი პირბადეების მარაგი სააფთიაქო ქსელიდან არ ამოუღიათ.

ადამიამ „ინტერპრესნიუსთან“ საუბრისას განმარტა, რატომ გამოიცა ჯანდაცვის მინისტრის ბრძანება 18 თებერვალს.

„ეს არ იყო ჩვენს ტერიტორიაზე შესყიდული და ჩვენი აფთიაქებიდან ნაყიდი პირბადეები. სიტუაცია ასეთია - გვაქვს მთავრობის განკარგულება, სამოქმედო დოკუმენტი კორონავირუსის პერიოდში საქართველოში და აქ პირდაპირ არის ჩაწერილი, რომ 29 მარტამდე შეჩერებულია ჩინეთთან პირდაპირი ფრენები, გარდა ისეთი შემთხვევებისა, როდესაც ჯანდაცვის სამინისტროს ეპიდემიოლოგების შეფასების საფუძველზე შეუძლია მიიღოს გადაწყვეტილება და შესრულდეს კონკრეტული რეისი სხვადასხვა მიზნებისთვის და არა სამგზავრო რეისი. ჩვენ მოგვმართა აეროპორტების სააგენტომ და მოგვაწოდა ინფორმაცია, რომ გარკვეული ტვირთი, რომლის ნაწილი თურქეთის და ნაწილი გერმანიის ტერიტორიაზე იყო შესყიდული ჩინური მხარის მხრიდან და უბრალოდ უნდა მომხდარიყო ამ ტვირთის ტრანსპორტირება ჩინეთში. საქართველო გამოიყენეს სატრანზიტო ქვეყნად და არა ის, რომ ჩვენი ქსელიდან წაიღეს პირბადე. ეს შესაძლებლობა გამოვიყენეთ იმისთვის, რომ ამ თვითმფრინავით, რომელიც ჩინეთში ჩავიდა, იქ დარჩენილი საქართველოს მოქალაქეების ტრანსპორტირება მოვახდინეთ და ახლა ისინი საკარანტინო ზონაში იმყოფებიან“, - განაცხადა ადამიამ „ინტერპრესნიუსთან“ საუბრისას.

ადამია არ აკონკრეტებს, რა ოდენობის პირბადის გადაზიდვა მოხდა თვითმფრინავით, თუმცა ამბობს, რომ ჩარტერული რეისით პირბადეების გარდა სხვა საშუალებები ჩინეთში არ გაგზავნილა.

ცნობისთვის, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანებით (#01/2007), საქართველოდან ჩინეთში პირბადეების გადაზიდვის მიზნით თბილისი-ვუანი-თბილისის მიმართულებით ჩარტერული რეისი განხორციელდა.

ბრძანება 18 თებერვალს გამოიცა.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება