მანდატურის სამსახური - ყველა რეკომენდაცია, რომელიც აუდიტის სამსახურმა 2018 წელს არსებული მდგომარეობის გათვალისწინებით შეიმუშავა, უკვე შესრულდა ან შესრულების პროცესშია

ყველა ის რეკომენდაცია, რომელიც სახელმწიფო აუდიტის სამსახურმა 2018 წელს არსებული მდგომარეობის გათვალისწინებით შეიმუშავა, მანდატურის სამსახურის მიერ უკვე შესრულდა ან შესრულების პროცესშია, - ამის შესახებ “ინტერპრესნიუსს“ სსიპ საგანმანათლებლო დაწესებულების მანდატურის სამსახურიდან სახელმწიფო აუდიტის სამსახურის ანგარიშის საპასუხოდ აცნობეს.

როგორც უწყებაში აცხადებენ, კონკრეტული სამოქმედო გეგმა სსიპ საგანმანათლებლო დაწესებულების მანდატურის სამსახურმა სახელმწიფო აუდიტის სამსახურს გადაუგზავნა.

“სამსახური ყურადღებით გაეცნო სახელმწიფო აუდიტის სამსახურის მიერ ჩატარებულ უსაფრთხო საგანმანათლებლო გარემოს უზრუნველყოფის 2016-2018 წლების ეფექტიანობის ანგარიშს.

მოგეხსენებათ, მანდატურის სამსახურში 2018-2019 წლებიდან დაიწყო მნიშვნელოვანი რეფორმირების პროცესი, რომელიც მოიცავს სასკოლო უსაფრთხოების, ასევე, პრევენციისა და ფსიქო-სოციალური მომსახურების გაძლიერების კომპონენტებს. შესაბამისად, ყველა ის რეკომენდაცია, რომელიც სახელმწიფო აუდიტის სამსახურმა 2018 წელს არსებული მდგომარეობის გათვალისწინებით შეიმუშავა, მანდატურის სამსახურის მიერ უკვე შესრულდა ან შესრულების პროცესშია.

კონკრეტული სამოქმედო გეგმა სსიპ საგანმანათლებლო დაწესებულების მანდატურის სამსახურმა სახელმწიფო აუდიტის სამსახურს გადაუგზავნა“, - ნათქვამია მანდატურის სამსახურის განცხადებაში.

ცნობისთვის, სახელმწიფო აუდიტის სამსახურის ანგარიშის თანახმად, საქართველოში არსებული სკოლების ნახევარში, 1161 სკოლაში არ არის მანდატური, უსაფრთხოებაზე პასუხისმგებელი პირი და ვიდეოკამერები.

უსაფრთხო საგანმანათლებლო გარემოს უზრუნველყოფის ეფექტიანობის აუდიტის ანგარიშის თანახმად, 2018 წლის მონაცემებით, ზოგადსაგანმანათლებლო დაწესებულებების მხოლოდ 21%-ია უზრუნველყოფილი მანდატურით. სკოლების 44% აღჭურვილია ვიდეოკამერებით და აღნიშნული სკოლები ასევე უზრუნველყოფილია მანდატურით.

ამავე ანგარიშის თანახმად, ამასთან, ფსიქოლოგიური მომსახურების ცენტრებით არ არის უზრუნველყოფილი ყველა რეგიონი და ცენტრებში დასაქმებული პერსონალის რაოდენობა არ შეესაბამება მათ დატვირთვას, კერძოდ, არ შეესაბამება ცენტრში დაფიქსირებულ მიმართვიანობას.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა