რუსეთის მუდმივი წარმომადგენელი გაეროში - სირიის არმიას უფლება აქვს, საკუთარ ტერიტორიაზე ტერორისტების თავდასხმები აღკვეთოს

სირიის არმიას სრული უფლება აქვს, საკუთარ ტერიტორიაზე ტერორისტების თავდასხმებს უპასუხოს, - ამის შესახებ რუსეთის მუდმივმა წარმომადგენელმა გაეროში ვასილი ნებენზიამ განაცხადა.

„იდლიბის ზონაში ცეცხლის შეწყვეტის დარღვევის საპასუხოდ, სირიის არმიას უფლება აქვს, უპასუხოს და ჩაახშოს ტერორისტები. არ შეგვიძლია, ავუკრძალოთ სირიის არმიას გაეროს უშიშროების საბჭოს რეზოლუციების მოთხოვნების შესრულება, რომელიც ტერორიზმის წინააღმდეგ ყველა ფორმით უპირობო ბრძოლას ითვალისწინებს, განსაკუთრებით კი მისსავე ტერიტორიაზე, დამოუკიდებელი სირიის ტერიტორიაზე,“- განაცხადა ნებენზიამ გაეროს უშიშროების საბჭოს სხდომაზე, სადაც იდლიბის პროვინციაში არსებული სიტუაცია განიხილეს.

რუსეთის მუდმივმა წარმომადგენელმა გაეროში ზოგიერთი ქვეყნის „ოფიციალური პირების მხრიდან ტერორიზმის გამართლება“ გააკრიტიკა.

„სამწუხაროდ, ეს ოფიციალური პირების დონეზე ხდება, მათ შორის არიან აშშ-ის წარმომადგენლები,“- განაცხადა ნებენზიამ.

მისივე თქმით, რუსეთი მწუხარებას გამოთქვამს როგორც თურქი, ასევე სირიელი ჯარისკაცების დაღუპვის გამო.

„ვწუხვართ, რომ თურქი სამხედროები დახოცეს, ისევე როგორც ვწუხვართ სირიელი ჯარისკაცების დაღუპვის გამო", - აღნიშნა ვასილი ნებენზიამ.

შეგახსენებთ, სირიაში, იდლიბის პროვინციაში, რუსეთის მიერ მხარდაჭერილი სირიის სამხედრო ძალების მიერ განხორციელებული საჰაერო დარტყმის შედეგად 33 თურქი სამხედრო დაიღუპა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 12.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
კახა ოქრიაშვილი - 15 მაისის აქციის სამზადისში აქტიურად ვარ ჩართული