თბილისში, ბარათაშვილის ხიდზე ავტოსაგზაო შემთხვევის შედეგად 4 ადამიანი დაშავდა
თბილისში, ბარათაშვილის ხიდზე გამთენიისას ავტოსაგზაო შემთხვევა მოხდა. არსებული ინფორმაციით, „ჰონდა ფიტის“ მარკის ავტომობილი ბარათაშვილის ხიდზე გადაადგილდებოდა, რა დროსაც პანდუსიდან ხიდის ქვეშ გამავალ გზაზე, მტკვრის მარცხენა სანაპიროზე გადავარდა. შემთხვევის შედეგად მანქანაში მსხდომი ოთხი ადამიანი დაშავდა.
როგორც „ინტერპრესნიუსს“ შინაგან საქმეთა სამინისტროში განუცხადეს, მომხდართან დაკავშირებით გამოძიება დაწყებულია სსკ-ის 276-ე მუხლის მეექვსე ნაწილით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
